NAKI-RIDE ang aktor at dating “Pinoy Big Brother” housemate na si Albie Casiño sa trip ng mga netizens.
Talagang sport lang at walang bahid ng pagkapikon ang aktor nang mag-trending ang larawan ng isang pusa na diumano’y kamukha raw niya.
Nitong Lunes, Agosto 15, nang i-upload ng netizen na si Alex Ablaza ang larawan ng isang pusa sa Facebook page na Homepaslupa Buddies 3.0 na may caption na “Sanaol kamukha ni Albie Casiño”.
Agad naman nag-viral ang naturang post no Alex at talagang umani rin ito ng samu’t saring komento mula sa mga netizens.
“Buti pa pusa may kalook alike na artista. Kami kasi, minsan nalang magkaron ng kamuka, wanted pa,” saad ng isang netizen.
Comment naman ng isa, “Albie Cat-iño”.
“Ang gwapo namang pusa niyan,” sey naman ng isa.
Nakarating naman ito kay Albie noong Martes, Agosto 16 at sa katunayan ay nasa Instagram story niya ang edited sscreenshot mula sa google kung saan puro image ng pusa ang makikita kapag hinanap ang kanyang pangalan.
“This is getting out of hand,” saad ng aktor na may kasama pang tatlong laughing emojis.
Matapos nito ay game na game naman si Albie sa trip ng mga netizens at ginawa na ring profile picture ng kanyang Instagram account ang naturang larawan ng pusa.
Sa ngayon ay umabot na nga ng mahigit 22,000 shares at 88,000 reactions ang original post ng netizen sa isang Facebook page at kalat na rin ito sa iba pang social media sites.
Related Chika:
Albie Casino natatakot maging TV host dahil sa dyslexia pero kumasa sa hamon ng ‘Top Class: The Rise To P-Pop Stardom’
70 na ang alagang aso’t pusa ni Jona sa bahay; gumagastos ng P70k kada buwan
Albie Casino hindi itinuturing na kapansanan ang ADHD; proud na proud sa ‘Biyak’