No.1 spot pag-aagawan ng San Beda, Perpetual
Mga Laro Ngayon
(The Arena)
4 p.m. Lyceum vs EAC
6 p.m. San Beda vs
Perpetual Help
Team Standings: San Beda (11-2); Perpetual (11-3); Letran (10-3); San Sebastian (8-5); EAC (6-7); JRU (5-7); St. Benilde (5-8); Lyceum (4-9); Arellano (4-9); Mapua (1-12)
UNANG puwesto sa Final Four ang pag-aagawan ng San Beda College at University of Perpetual Help habang lumapit sa mahalagang pang-apat na puwesto ang nais ng Emilio Aguinaldo College sa 89th NCAA men’s basketball ngayon sa The Arena sa San Juan City.
Unang sasalang ang inspiradong Generals kontra sa Lyceum sa ganap na alas-4 ng hapon at balak nilang angkinin ang ikapitong panalo matapos ang 14 na laro at maglalapit pa sa kanila sa pahingang San Sebastian Stags na nasa ikaapat na puwesto sa 8-5 baraha.
Galing sa kahanga-hangang 87-64 panalo ang Generals upang siyang mapaboran sa Pirates na sa 4-9 baraha ay dapat na manalo para manatiling palaban pa sa puwesto sa susunod na yugto.
Tampok na laro dakong alas-6 ng gabi ay sa pagitan ng Red Lions at Altas at ang makakalusot ang aakyat sa 12 panalo.
( Photo credit to INS )
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.