HAVEY na havey sa mga netizens ang pagiging live reporter ni KaladKaren Davila nang makasaksi ito ng kaguluhan sa isang bar sa Quezon City.
Nag-ala Karen Davila na naman ang social media personality at inilahad ang mga kaganapan habang naiipit sa kaguluhan ng mga customer sa naturang bar.
“Kasalukuyan pong nagkakaroon ng gulo dito sa isang bar sa Quezon City kung saan ang mga lasing ay nag-aaway away po,” saad ni KaladKaren.
Itinapat naman niya ang kamera sa grupo ng mga lalaki na nagkakainitan.
“Ayan po sila. Kapag may inuman, may bugbugan,” pabirong hirit pa niya.
Makikitang kasama rin ni KaladKaren ang Kapuso host-comedian na si Allan K.
“Heto na nga, nakakaloka. May nagkakagulo,” sabi naman ni Allan K.
“Medyo nagkakabatuhan na po ng bote. Hindi po namin alam kung anong pumasok sa kanilang kokote at uminit ang mga ulo ng mga parokyano ng isang bar dito Quezon City,” pagpapatuloy ni KaladKaren sa kanyang mala-live report.
@kaladkarenWalang pikunan… just for fun 😂
Sey pa ni KaladKaren, ““Dasal po naming na maging maayos ang sigalot na ito at bukas pagkagising nila with hangover ay maging payapa po ang kanilang buhay.”
“Ako po si Kaladkaren Davila at ito ang, may inuman,” hirit pa niya.
Makikita namang aliw na aliw ang mga netizens sa kanyang Tiktok video base na rin sa comment section ng kanyang post.
“Nakakaloka yung exclusive! Hahahahaha,” comment ng isang netizen.
Saad naman ng isa, “Hahahahahaha aliwoty for da fersonability.”
“HAHAHAH THIS IS SO BAYAN PATROLLER,” sey naman ng isa.
Matatandaang nag-viral noon si KaladKaren Davila dahil sa kanyang Bayan Patroller video kung saan nag-uulat siya sa ilog sa Rizal habang ginagaya ang boses at porma ng broadcaster na si Karen Davila.
Ayun nga ang naging hudyat ng kanyang naging pagsikat na maging impersonator ni Karen.
Related Chika:
Kaladkaren sinagot ang tanong ng netizen na, ‘May p*k* na po ba kayo?’
Kaladkaren pwede nang ituloy ang naunsyaming pagpapakasal sa kanyang British fiancé sa UK