Piolo, Lovi perfect tanden sa ‘Flower of Evil’; pilot episode ‘ang lupet, super intense’
Lovi Poe at Piolo Pascual
INAABANGAN na ng mga manonood ang susunod na mga rebelasyon sa “Flower of Evil” matapos itong masama sa listahan ng top-rated shows sa Viu after its premiere last June 23.
Kahit na alam na ng ilang viewers at mga netizens ang pilot episode ng serye na pinagbibidahan nina Lovi Poe at Piolo Pascual ay talagang tinutukan pa rin nila ito nang bonggang-bongga!
“Intense pilot episode! Aside from the powerful performances, the details of this series are just flawless. And how the proceedings jump from one clue to another, only lead us to another maze, is just fire!!!” tweet ni @dawallflower_.
“The showrunners, directors, & cast did not lie when they said this is world class. Aside from the powerful performances, the details of this series are just flawless,” sabi naman ni @ImNotthatScary.
Napapanood ang serye sa Viu 48 oras bago ito ipalabas sa TV sa Kapamilya Channel, Jeepney TV, at A2Z, kung saan ipinakilala sa unang dalawang episode ang pamilya nina Iris at Jacob (Piolo at Lovi), kasama ang anak nilang si Luna (Sienna Stevens).
Tila perpekto ang buhay ng mag-asawa, kaya maski ang mga kasamahan ni Iris sa trabaho ay kinaiinggitan sila.
Ngunit, unti-unting nasisiwalat ang komplikado nilang relasyon dahil sa patuloy na paglihim ni Jacob ng totoo niyang pagkatao bilang si Daniel Villareal, ang suspect sa isang murder case.
Una, kaduda-duda ang hindi maayos na samahan ni Jacob sa mga magulang niyang sina Henry at Carmen (Edu Manzano at Agot Isidro).
View this post on Instagram
Ngayon, nanganganib ang sikreto ni Jacob dahil namukhaan siya ni Rico (Joross Gamboa), isang dating kaibigan na may alam sa kaso niya at ngayon ay reporter na.
Dahil natatakot siyang isuplong siya ni Rico, nagdesisyon si Jacob na gawing bihag ito nang walang nakakaalam.
Subalit, umpisa pa lang ito ng mga kailangan pagtakpan ni Jacob dahil mapupunta kay Iris ang isang kasong maaaring konektado sa kanyang asawa.
Magsisimula na ba ang pagdududa ni Iris kay Jacob? Ano ang gagawin ni Jacob kay Rico para hindi nito ibulgar ang totoong pagkatao niya?
Subaybayan ang “Flower of Evil” first on Viu kada Huwebes at Biyernes, 8 p.m., at sa Kapamilya Channel, Jeepney TV, at A2Z kada Sabado at Linggo ng 9 p.m..
Showbiz couple posibleng mawasak din ang relasyon kapag nagkanya-kanya na ng diskarte sa career
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.