Planong ‘paggawa’ ng baby nina Liza Dino at Ice Seguerra hindi na matutuloy?
Liza Dino at Ice Seguerra
HINDI totoo ang tsikang papalitan na si Ms. Liza Dino bilang Chairperson at CEO ng Film Development Council of the Philippines o FDCP dahil muli siyang nare-appoint for another three years.
Bago nagsimula ang grand press launch ng “PeliKULAYa” kasabay na rin ng Pride Party bilang bahagi ng LGBTQIA+ Film Festival ay tsumika si Chair Liza sa ilang miyembro ng media at nabanggit nga na tatlong taon pa siyang uupo bilang hepe ng FDCP.
Kaya ang tanong kaagad ay paano na ang plano nila ni Ice Seguerra na magkaroon ng anak. Ito kasi ang pahayag noon ni Liza na kapag nawala na siya sa posisyon ay ang pagbe-baby ang target nilang mag-asawa.
Pero tila nabago na nga ang plano, “Diyos ko, magpo-41 na ako, paano na ‘yung baby? Wala na talaga. I mean, ayokong magsabi ng tapos, pero it’s a challenge, you know, ‘yung balancing between family and the work.”
At dahil sa kanyang re-appointment ay iisa lang ang ibig sabihin, maganda ang record niya sa FDCP at higit sa lahat ay magaganda ang mga naging proyekto niya sa ahensiya.
“Actually, ang saya nu’ng na-reappoint ka pero ‘yung nakuha mo rin ‘yung magandang sentimyento ng industry, parang ‘yun ‘yung mas fulfilling sa akin kasi parang I was going through ‘yung reactions ng mga industry people sa reappointment ko and even the industrial community.
View this post on Instagram
“I was receiving a lot of like, ‘congratulations, we’re so happy na magko-continue ka,’ so it’s so humbling na parang ‘oh wow, na-appreciate pala ‘yung mga ginagawa ng ahensiya,’” masayang sabi ni Ms. Liza.
Ngayong buwan ng Hunyo ay ipinagdiriwang din ng FDCP ang Pride Month with “PeliKULAYa: International LGBTQIA+ Film Festival in a hybrid format mula June 10 hanggang 26. May temang “Pantay-Pantay, Iba’t Ibang Kulay.”
Kasabay din ng 20th anniversary ng FDCP, “a total of 50 local and international films co-presented by partner embassies and organizations will be screened online and onsite as part of this year’s festival line-up.”
“This year, as we continue to fight for the freedom and rights of the LGBTQIA+ community, we also celebrate the achievements and support the causes of the members of the community this June.
“We, at the FDCP are offering an eventful month through PeliKULAYa with a month-long line up of film screenings and events to celebrate this significant month. Happy Pride Month from team FDCP,” ani Liza.
Amg ilan sa mga pelikulang lokal ang tampok sa Pelikulaya 2022 ay ang Manila by Night (Ishmael Bernal), Ang Tatay Kong Nanay (Lino Brocka), Esoterika: Maynila (Elwood Perez), Markova: Comfort Gay (Gil Portes), at Big Night! (Jun Robles Lana).
Ka-join din ang Gameboys The Movie (Ivan Andrew Payawal), Kasal (Joselito Altarejos), Billie and Emma (Samantha Lee), Memories of Forgetting (Joselito Altarejos), Traslacion (Will Fredo), at Pink Halo-halo (Joselito Altarejos).
Mapapanood ang mga nabanggit na pelikula sa FDCP Channel ng Spectra Pelicula segment, may face to face screening din sa FDCP Cinematheque Centres (Manila, Iloilo, Davao, Negros at Nabunturan), Metropolitan Theater, at Cinema ‘76-Anonas.
https://bandera.inquirer.net/285427/liza-dino-gustong-gumawa-ng-pelikula-tungkol-sa-trans-family-ano-ba-yung-pinagdaraanan-namin
https://bandera.inquirer.net/306317/liza-dino-sa-viral-dibdib-photo-ni-jake-zyrus-kung-yun-ang-magpapasaya-sa-kanya-suportahan-natin-siya
https://bandera.inquirer.net/307316/liza-may-hugot-sa-9th-jowanniversary-nila-ni-ice-you-personify-what-forever-means-to-me
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.