Pia Wurtzbach nilinaw ang chikang magiging judge si Jeremy Jauncey sa Miss Universe PH 2022
Jeremy Jauncey at Pia Wurtzbach
TAKANG-TAKA si Pia Wurtzbach kung bakit may lumabas na chika na magiging judge raw ang boyfriend niyang si Jeremy Jauncey sa Miss Universe Philippines 2022 coronation night.
Mariing pinabulaanan ng kinoronahang Miss Universe 2015 na uupo bilang isa sa mga member ng selection committee si Jeremy sa mismong finals night ng pageant.
Sa isa niyang Instagram post, may isa ngang netizen ang nagtanong kung magiging hurado ang kanyang boyfriend sa nasabing national beauty pageant.
Diretsong sagot ni Pia, “Hindi po hehe. He’s here for the world travel and tourism global summit. He’s a speaker!”
View this post on Instagram
Nag-reply uli ang IG follower ng TV host-actress, “I’m Sad! We were about to leave MEL to see it live if Mr Jauncey was judging! We were told he will be part of the committee! But thank you for your reply.”
Sey naman ni Pia clueless talaga siya tungkol sa nasabing balita, “Im not sure where you heard that from hoping to see you at the pageant anyway!”
Nasa Pilipinas din ngayon si Jeremy base na rin sa naunang Instagram post ni Pia. Ipinakita ng Kapamilya star ang photo nila ng kanyang Bristish dyowa na kuha sa kanilang Etihad flight patungong Manila.
“Next Stop: Manila,” ang caption ni Pia. “We’re adopting you, (you’re) a Pinoy now. Get ready to eat some balut hahahaha,” aniya pa.
“Welcome to your 2nd home,” ang comment naman ng dalaga sa litratong ipinost ni Jeremy sa kanyang IG.
Isa si Pia sa mga magiging host ng Miss Universe Philippines 2022 pageant na gaganapin sa Mall of Asia Arena sa darating na April 30. Makakasama niya rito as co-hosts sina Miss Universe 2016 Iris Mittenaere at Miss Universe 2017 Demi-Leigh Tebow.
Jeremy Jauncey ibinandera ang paghanga kay Pia: Proud of all you are doing baby!
Pia Wurtzbach, Jeremy Jauncey engaged na raw, nabuking sa suot na bonggang diamond ring?
3 tips ni Pia para sa mga LDR couple: Laging mag-usap, honest sa isa’t isa at meron kayong mga plano
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.