BUMWELTA ang Kapuso actress-comedienne na si Pokwang o Marietta Subong sa totoong buhay sa kanyang mga bashers na tumatawag sa kanyang “pangit”.
Sa kanyang Twitter account ay idinaan na lamang niya sa pagbibiro ang sagot sa mga bashers na pilit siyang iniimbyerna.
Hindi pa nga nakuntento ang ibang bashers sa panlalait kay Pokwang kaya idinamay rin nito ang Kapamilya TV host-comedienne na si Melai Cantiveros.
Aniya, never naman daw niyang sinabi na pretty siya.
Tweet ni Pokwang, “bashers: Ang pangit mo Pokwang! kayo ni Melai pangit nyo! Me: kailan namin sinabing maganda kami? Kailaannn????”
Dagdag pa niya, nabiktima na naman daw ng fake news ang bashers kung sakali.
“Kung may sinabi kaming maganda kami, pwes! na FAKE NEWS NANAMAN KAYO!!! Gusto nyo yan e,” sey ni Pokwang.
bashers: Ang pangit mo Pokwang! kayo ni Melai pangit nyo!
Me: kailan namin sinabing maganda kami? Kailaannn????
kung may sinabi kaming maganda kami, pwes! na FAKE NEWS NANAMAN KAYO!!! Gusto nyo yan e 😃💗💗💗 #PinkAngPokienyongLahat #LeniKiko2022— marietta subong (@pokwang27) March 30, 2022
Sa comment section naman ay makikitang nag-reply si K Brosas sa tweet ng matalik na kaibigan.
Kwento ni K, maski siya ay binabatikos ng mga bashers at sinasabing laos na raw siya.
“lol! haaay! meron din ilan na nagsasabi na ‘laos ka laos!’ ehhh kelan ko ba sinabi na sikat ako?! kelaaaaaan??! hehe labyu!”
Reply naman ni Pokwang, “sikat ka bff para sakin at mga nagmamahal sayo.”
sikat ka bff para sakin at mga nagmamahal syo 💗
— marietta subong (@pokwang27) March 30, 2022
Bukod kay K ay marami pang netizens ang nagbigay suporta at nag-comment sa tweet ng komedyana.
“Sila po talaga yung pangit Ms. Pokwang. Yaan nyo na. Ay sorry, pasmado bibig ko,” saad ng isang netizen.
Sey naman ng isa, “If you think hindi ka maganda sa pamantayan at mata ng mga tao, I know you are beautiful in the eyes of God. And the people who know what kind of person you are, kayo ni Melai at lahat ng komedyante na sa palagay nyo hindi kayo maganda dahil may standards ang madla. God bless you.”
“Ang totoong panget ay yung mga dumidepensa sa mga magnanakaw. Yun lang yun. Maganda kayo ni Melai auntie,” hirit naman ng isa.
Hindi naman kaila na kaya patuloy ang pambabash na natatanggap ng mga actress-comedienne ay dahil sa kanilang kandidatong sinusuportahan.
Pare-parehas kasing “kakampink” sina Pokwang, Melai, at K at ang sinusuportahan nito para sa paparating na national elections ay ang tambalang Leni-Kiko.
Related Chika:
Sino kaya ang pinapatamaan ni Pokwang na inaakala niyang ‘mabait’ pero hindi pala?
Melai Cantiveros tinawag na ‘magnanakaw’ ng isang netizen, pati pamilya dinamay: Ipapahanap kita!