Julia love na love ang mga miyembro ng LGBTQ: ‘Bakla’ na ako kasi lahat ng best friends ko bakla
Julia Barretto at Awra Briguela
LOVE na love ni Julia Barretto ang isa sa mga BFF niya sa showbiz na si Awra Briguela.
Magkasama ngayon ang dalawa sa Vivamax original teen-oriented series na “The Seniors” kung saan gaganap ang aktres bilang transferee sa isang provincial high school na mabibiktima ng pambu-bully ng kanyang mga kaklase sa pangunguna ni Awra.
Pero sa tunay na buhay, super close talaga sina Julia at Awra at gustung-gusto rin daw ng pamilya ng aktres ang dating child star na unang sumikat sa action serye ni Coco Martin na “Ang Probinsyano.”
“I think Awra and I have been friends for a long time na and I think we just bonded more and got closer more now because Awra has already grown.
“Kumbaga she has already matured and blossomed into a beautiful woman. So I feel like we’re able to connect more now because we’re able to have deeper conversations and deeper understanding of each other,” simulang pahayag ni Julia sa isang panayam.
Aniya pa, “And I love Awra so much and my family does too. Like my whole family loves her because she’s a true friend.
“Mas mahaba pa ang chikahan namin kesa sa interview na naganap kagabi. Parang we could just sit in silence over the phone, we could chat, we could laugh. Puwede kaming magtsismisan kung ano man yan. I feel like our friendship is so effortless and very natural,” chika pa ng girlfriend ni Gerald Anderson.
View this post on Instagram
Kaya naman tuwang-tuwa ang dalawa nang magkasama sila sa isang project. Sa katunayan, para nga lang daw silang naglalaro habang ginagawa nila ang “The Seniors.”
“I remember we did this scene na yung location namin parang sa tea place. After doing that scene where she said, ‘Yung buhay mo parang pang-teleserye, yung sa akin pang-BL series.’
“After that scene Awra and I looked at each other and said, ‘Aww you know we have chemistry!’ Ha-hahaha! I love this girl,” sabi pa ni Julia patungkol kay Awra.
Samantala, kuwento pa ng aktres, gusto niyang maranasan ang ilang ganap sa buhay ng karakter niya sa Vivamax original series.
“Siguro yung experience ni Diana du’n sa new school ang gusto ko ring maranasan. Meeting just this funny group of friends na walang ituturo sa kanya kundi magpakakanal, which is ang dami kong kaibigan ngayon na tinuturuan din ako maging alam mo na, as ako, bakla na ako kasi lahat ng best friends ko bakla.
“So I wish I had that same experience na mag-immersion, go to the province and gain a lot of friends from there and learn a thing or two from them.
“I think ang pinakanatuwa ako for my character Diana was she’s just surrounded by people who could make her laugh and experience life differently,” aniya pa.
Napapanood na ang “The Seniors” sa Vivamax kung saan kasama rin sina Ella Cruz, Andre Yllana, Gab Lagman at Andrea Babierra, sa direksyon ni Shaira Advincula.
Ruffa sa laiterang bashers: It’s an honor to look gay, mas type kong magmukhang bakla!
Vice pumalag sa mga nanay na nagsasabing ‘Proud ako sa anak ko kahit bakla siya’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.