Alexa Ilacad kay Nash Aguas: We're not friends, pero napatawad ko na siya kahit hindi siya nag-sorry | Bandera

Alexa Ilacad kay Nash Aguas: We’re not friends, pero napatawad ko na siya kahit hindi siya nag-sorry

Ervin Santiago |February 27,2022
facebook
share this

Alexa Ilacad kay Nash Aguas: We’re not friends, pero napatawad ko na siya kahit hindi siya nag-sorry

Ervin Santiago - February 27, 2022 - 01:10 PM

Alexa Ilacad at Nash Aguas

PINATAWAD na ni Alexa Ilacad ang dating ka-loveteam na si Nash Aguas sa lahat ng sakit at kanegahang idinulot nito sa kanya.

Pero ipinagdiinan ng dating “Pinoy Big Brother” season 2 celebrity edition housemate na kahit napatawad na niya si Nash, hindi pa rin sila magkaibigan.

“We are not friends, but I have forgiven him even if he never really said sorry or asked for forgiveness,” ang pahayag ni Alexa sa panayam ni Karen Davila sa bago niyang vlog sa YouTube.

Chika pa ng dalaga, “It’s okay. I forgave him for my own peace of my mind and for the peace in the my heart.”

Dito rin inamin ni Alexa na si Nash ang first love niya at habang sinusulat daw niya ang heartbreak song niyang “Paano”, ang actor-entrepreneur daw ang nasa isip niya.

“I actually wrote it po in 2016. The day after everything crashed and fell, I was able to write ‘Paano,'” sabi pa ni Alexa patungkol sa kanta na  kaka-release lang kamakailan mula sa Off The Record label ng kanyang uncle na record producer na si Ricky Ilacad. 

Naging magka-loveteam sina Alexa at Nash ilang taon na nakararaan at umamin naman sila na nagkaroon sila ng mutual understanding o MU pero hindi raw talaga nag-level up ang  kanilang relasyon.

Naging maingay ang naging past “relationship” ng dalawa nang maging kontrobersyal ang “13 years and I still love you” message ni Nash para kay Mika dela Cruz sa Instagram.

At sa panayam ng “Tonight with Boy Abunda” kay Alexa noong 2019, inamin niya na totoong naapektuhan din siya sa mga naging pahayag ni Nash dahil feeling niya parang binalewala ng binata ang kanilang past.

“I knew in my heart that they never lost connection, that there is a special place in Nash’s heart for Mika.

“Napaisip lang ako when I read that ’13 years’ thing, kasi inside that 13 years, I was there. So when you say that, ’13 years and I still love you,’ where was I?” ani Alexa.

Dagdag niya, sa loob ng 13 years na tinutukoy ni Nash, naroon siya “for 4 to 5 years.” Aniya, “Maybe that hour, I cared. But I then said to myself, ‘Not worth your time, move on.'”

“When I said na napaisip ako reading that, I did not mean to sound like sinisiraan ko siya, na masama siya, na I am so kawawa, I didn’t mean that, I just said it as it was. We have enough respect for each other,” paglilinaw pa ng dalaga.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Hanggang ngayon ay magdyowa pa rin sina Mika at Nash habang nali-link ngayon si Alexa sa Kapamilya youngstar na si KD Estrada. Nagsimula ang maganda nilang relasyon sa loob ng “Pinoy Big Brother” house.

Nash Aguas umalma sa chikang buntis ang dyowang si Mika dela Cruz

Alexa Ilacad tinutukso sa 3 lalaki: Ang ganda ko, ‘di ba? Ang haba ng hair ko!

Nanay ni Mika dela Cruz natawa lang sa tsismis na nabuntis ni Nash Aguas ang anak

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending