Kim sumabak sa PBB ‘talk to housemates’: Grabe! Surreal experience yun…first time!
Melai Cantiveros, Enchong Dee, Bianca Gonzalez, Kim Chiu at Robi Domingo
KAKAIBA ang naramdamang kaligayahan ng Kapamilya actress na si Kim Chiu matapos ang naganap na eviction night sa “Pinoy Big Brother” season 10 adult edition.
Ibinahagi ng dalaga sa kanyang social media page ang tinawag niyang “surreal experience” habang ini-interview nang live ang mga adult housemates kamakalawa ng gabi.
In fairness, talagang nagsanib-pwersa ang mga hosts ng “PBB 10” sa naganap na eviction night. Si Bianca Gonzalez na nga ang nagsilbing main host ng Kapamilya reality show matapos mag-resign si Toni Gonzaga.
Bukod kay Kim, naka-join din ni Bianca sa nasabing episode ng “PBB” as co-hosts sina Robi Domingo, Melai Cantiveros at Enchong Dee.
“Last night was memorable,” ang simula ng caption ni Kim sa mga ipinost niyang mga litrato sa Instagram.
“Thank you Lord God for guiding us. Maraming salamat sa lahat ng sumusuporta at patuloy na sumusuporta sa kwento ng totoong buhay @pbbabscbntv. We all did it THE KAPAMILYA WAY!” dagdag na pahayag ng girlfriend ni Xian Lim.
View this post on Instagram
Sey pa ni Kim, habangbuhay siyang magiging thankful sa “PBB” at sa buong production nito dahil dito nga nagsimula ang kanyang journey bilang housemate hanggang sa pagiging aktres at TV host.
“I will be forever grateful to this house, to the team behind PBB, to my co-hosts salamat sa pag guide kagabi ate @iamsuperbianca @iamrobidomingo sa mga advice and miga @mrandmrsfrancisco @mr_enchongdee sa pag practice nyo sa akin ng talk to housemates!!! Grabe surreal experience yun. First time,” mensahe pa ni Kim.
Dagdag pa niya, “Sa buong team ng PBB maraming salamat. #gratitude #love #respect #KAPAMILYA andito tayo para sa isa’t isa.”
Kamakailan lang ay nagpaalam na nga si Toni sa madlang pipol bilang host ng “PBB” sa gitna ng pamba-bash sa kanya ng publiko dahil sa pagpapakilala niya sa isang kandidato sa proclamation rally ng Bongbong Marcos-Sara Duterte tandem na isa sa bumoto sa ABS-CBN shutdown.
https://bandera.inquirer.net/291939/toni-bianca-robi-muling-rarampa-sa-adult-celebrity-at-teen-edition-ng-pbb-season-10-online-audition-sisimulan-na
https://bandera.inquirer.net/298895/kyle-echarri-natsugi-na-rin-sa-pbb-10-tanggap-ko-po-ang-nangyari-sa-akin
https://bandera.inquirer.net/293925/kisses-umaming-marami-nang-nagawang-pagkakamali-sa-edad-17
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.