Vice inalok na tumakbo sa Eleksyon 2022: Naloka ako! Ipapahamak ko ang Pilipinas!? Bandera

Vice inalok na tumakbo sa Eleksyon 2022: Naloka ako! Ipapahamak ko ang Pilipinas!?

Ervin Santiago |January 23,2022
share this

Vice inalok na tumakbo sa Eleksyon 2022: Naloka ako! Ipapahamak ko ang Pilipinas!?

Ervin Santiago January 23, 2022 - 02:16 PM

Vice Ganda

INALOK ang TV host-comedian na si Vice Ganda na tumakbo sa isang mataas na posisyon para sa darating na May, 2022 national elections.

Diretsahang inamin ng Phenomenal Box-Office Star na may natanggap siyang offer mula sa isang grupo na kumandidato sa Eleksyon 2022 pero agad daw niya itong tinanggihan.

Sa panayam kay Vice ni Vicky Belo na mapapanood sa latest vlog nito sa YouTube, natanong ang dyowa ni Ion Perez tungkol sa mundo ng politika.

Sa isang bahagi ng vlog, ipinakita ang recorded video ni Derek Ramsay tinanong kung saan tinanong nga ang TV host kung ano ang masasabi niya sa posibleng pagpasok sa public service.

Dito na nga niya inamin ang tungkol sa offer na tumakbo siya para sa isang mataas na posisyon sa gobyerno na talagang ikina-shock daw niya.

“Politics, sa ngayon ha? Siyempre I cannot sabihin never, baka lamunin, hindi ko alam, pero sa ngayon, no. 

“Ayokong magsalita nang patapos. May nag-offer sa akin mataas na position. Naloka ako! Hindi ako magaling du’n.

“Feeling ko puwede akong manalo dahil marami akong followers, maraming fans, maraming boboto sa akin.

“Pero hindi ako magaling du’n so bakit ako pupunta roon? Ipapahamak ko ang Pilipinas? Not because you can win, you will run,” ang pahayag pa ni Vice.

Hindi naman nagbigay ng karagdagang detalye ang komedyante tungkol dito — kung anong partido ang nag-alok sa kanya at kung anong posisyon.

Samantala, sa isang bahagi pa ng video, tinanong naman si Vice ng young actress na si Francine Diaz ng, “Ano po yung best age na magkaroon ng boyfriend?

Reply ng komedyante, “Wala namang best age. Yung age na mature ka na, I think that’s the best age. Iba iba ang sensibilities at sensitivities ng tao. 

“May iba 30 na pero wala pa rin pinagkatandaan. I was forced to be mature, by the circumstances, to take care of myself,” aniya pa.

Pagtakbong pangulo ni Pacquiao sa 2022 umani ng papuri at batikos; binantaan agad ang mga corrupt

Janine Gutierrez naniniwalang ‘di dapat tumakbo sa eleksyon ang mga taong dawit sa korupsyon

The hottest celebrity news delivered to your inbox

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

Subscribe to the hottest celebrity news

By providing an email address. I agree to the Terms of Use and
acknowledge that I have read the Privacy Policy.

What's trending