Madam Inutz nanganganib mapalayas sa Bahay ni Kuya: Di ko ginamit power ko
LUBOS ang panghihinayang ni Madam Inutz dahil sa hindi niya ginamit ang kanyang kapangyarihan na iligtas ang sarili sa nagdaang “PBB” nomination night.
Sa kauna-unahang pagkakataon kasi ay nakasama sa listahan ng mga nominado ang social media personality nang matalo sila sa “Tower Building Task” kaya automatically nominated ang kanyang team kasama sina Samantha Bernardo, Anji Salvacion, KD Estrada, Shanaia Gomez at Benedix Ramos.
Naitanong na kasi kay Madam Inutz kung balak ba niyang gamitin ang kanyang kapangyarihan para i-save ang sarili sa nominasyon ngunit hindi muna niya ito ginamit.
“Kuya hindi po muna. Alam ko pong ginawa ko ‘yung best ko para sa mga weekly task na ibinibigay mo sa amin at di ko deservr ba mapasama sa nomination at alam kong susuportahan ako ng mga tao sa labas,” saad ni Madam nang tanungin siya ni Kuya sa loob ng confession room.
Ngunit laking gulat ni Madam Inutz nang ianunsyo ni Big Brother na dalawa ang nanganganib na mapalabas sa susunod na eviction.
“Kuya! Nabigla ako kuya! Wala kong alam. Dalawang eviction na naman ang magaganap. ‘Di ko ginamit ang power ko,” nanghihinayang na saad ni Madam Inutz.
Ngunit hindi naman nawawalan ng pag-asa ang social media personality dahil naniniwala siyang susuportahan siya ng mga tao sa outside world lalo na ay nagpakatotoo siya sa buong stay niya sa Bahay ni Kuya.
“Pero okay lang kuya. Naniniwala po ako na susuportahan ako ng tao sa labas kung meron man so hindi po ako nawawalan ng pag-asa.”
Lubos naman ang suporta ng kanyang talent manager na si Wilbert Tolentino sa kanyang alaga.
Sa katunayan ay buong tapang itong naglabas ng sariling pera para lamang bumili ng dias sa Kumu para iboto si Madam Inutz pati na rin ang kaibigang si Sam Bernardo.
View this post on Instagram
“Lalaban pero hindi susuko,” saad ni Momshie Wilbert sa kanyang Twitter account.
Samantala, base sa latest update sa kumu votes ay nasa laylayan si Madam Inutz kasama si Benedix Ramos.
Lalabas na nga kaya ng “PBB” house si Madam Inutz?
Well, maaga pa para sabihin ito lalo na’t malakas ang suporta ni Madam Inutz mula sa kanyang talent manager.
Related Chika:
Madam Inutz pasabog ang rebelasyon matapos ang ‘PBB’ 3rd nomination night
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.