Kris engaged na sa dating secretary ng DILG: Looking forward na akong maging Sarmiento
Mel Sarmiento at Kris Aquino
BINULABOG ng TV host-actress na si Kris Aquino ang buong universe sa pasabog na post niya sa Instagram tungkol sa estado ng relasyon nila ni dating Department of Interior and Local Government (DILG) Secretary Mel Sarmiento.
Sa kauna-unahang pagkakataon ibinandera ni Kris ang tunay kaganapan sa pagitan nila ng dating opisyal ng gobyerno sa pamamagitan ng isang nakakikilig na video na ibinahagi niya sa IG.
Ang inilagay niyang caption dito ang naging sentro ng usapan ngayon ng kanyang fans and followers sa social media kung saan tila kinumpirma niyang engaged na sila ni Sarmiento. Hindi diretsahang sinabi ni Kris na nag-propose na sa kanya si Sarmiento pero sunud-sunod ang natanggap niyang pagbati mula sa mga kaibigan niyang celebrities.
“We discussed this post and i thought about it carefully… marami kasi sa followers ko ang nagtatanong kung kamusta na ko because matagal na kong nawala…
“Aamin ako i’m only 95 pounds now. this pandemic and many stressful events that happened since mid August really caused my weight to drop & my health to suffer.
“And it’s been exactly 4 months since we so unexpectedly lost our brother. Sure ako, ayaw nya talagang iwanan si ‘bunso’ na walang magbabantay at mag aalaga na siguradong pinagkakatiwalaan nya,” simulang bahagi ng mensahe ni Kris.
Pagpapatuloy pa niya, “Somehow i believe there really was a matchmaker in heaven who must be smiling now- i can almost hear his voice telling me, ‘Kristina, tama na, respect the fact na gusto ni Mel ng tahimik na buhay.’ And finally, ‘bunso’ has learned to obey.
“To my best friend and the man i said yes to spending the rest of my life with, thank you for as bimb said loving me for me, with no agenda, and for being just an overall good and patient man. It’s unreal how much more calm & peaceful i feel now that you’re here.
“We would never have met nor reconnected had it not been for Noy (dating Pangulong Noynoy Aquino). Thank you to my kuya, kahit wala na sya ramdam na ramdam ko na kahit ilang beses kaming nagkatampuhan, kahit kailan gagawa talaga sya ng paraan na ma-assure kami nila kuya josh at bimb kung gaano nya kami kamahal at hindi talaga sya papayag na ma feel namin na kami ay mapapabayaan. We love you and we miss you.
View this post on Instagram
“But THANK YOU, you must have known how broken i’d be to lose you, so you made sure there was someone who not only helped wipe away my tears, he’s made it possible for me to smile and laugh again.
“Dumating nu’ng hindi ko hinahanap o inaasahan — kaya nga tama silang lahat na nagsabi in God’s perfect time,” pahayag pa ni Tetay.
“We agreed, what’s personal shall remain private so hanggang dito lang ang pwede kong ma share. Except i guess to say as much as i am proud to be an Aquino, looking forward na kong maging Sarmiento,” pahabol pang pahayag ng Queen of All Media.
https://bandera.inquirer.net/290529/kris-ipinagtanggol-ng-ex-dilg-chief-napasaya-niya-ako-napakaswerte-ko-kaya-konting-respeto-naman
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.