ENJOY na enjoy ngayon si Yassi Pressman sa kaniyang buhay probinsya. Kasalukuyang namamalagi ang aktres sa Siargao Island at ninanamnam ang kagandahang taglay ng lugar.
Napukaw rin ang atensyon ng netizens sa video post ng aktres sa kaniyang Instagram account kung saan makikitang nagbabanlaw ito gamit ang iniigib na tubig ng isang lokal mula sa poso.
All smiles and aktres sa video na tila aliw na aliw sa mga simpleng bagay sa probinsya.
“The simple things! Salamat po da mga kapitbahay na pinayagan ako na mag-rindecsa labas ng bahay nila bago umuwi after magsurf! Hihi. lablab,” saad ng dalaga.
Marami naman sa mga netizens at celebrities ang natuwa dahil walang ka-arte arte ang dalaga kahit na kilala itong aktres.
“Cutie,” comment ni Rhian Ramos.
“It’s really the simple things. This makes me so happy to see you still very down to earth after all these years,” sey ng isang netizen.
“Ay wow sihal @jolansaavedra ang natatanging tagabomba,” hirit naman ni Andi Eigenmann.
Isa si Andi Eigenmann sa mga kilalang personalidad na nananatili na ngayon sa Siargao.
Naging magkaibigan rin sila ng aktres at nagkasama sa hit movie na “Camp Sawi”.
Nitong nakaraang buwan rin ay nagkitang muli ng aktres ang kaibigan kasama ang mga anak nitong sina Ellie, Lilo, at Koa.
Karagdagang ulat: Yassi binisita ang pamilya ni Andi sa Siargao: I love when you see some of your real friends…