Lassy feeling nanalo sa lotto nang halikan sa ‘nips’ si Kit: Pero nakakatakot, baka sapakin ako!

Kit Thompson at Lassy Marquez

FEELING nanalo ng jackpot sa lotto ang stand-up comedian na si Lassy Marquez nang gawin nila ni Kit Thompson ang “rape scene” sa pelikula nilang “Sarap Mong Patayin.”

Tawa nang tawa ang komedyante nang magkuwento tungkol sa maiinit at sensitibong eksena nila ng Kapamilya hunk actor sa nasabing pelikula na idinirek ni Darryl Yap.

Sa nakaraang virtual mediacon ng “Sarap Mong Patayin” ay natanong si Lassy kung paano niya ide-describe ang sukat ng “pagkalalaki” ni Kit base sa naging karanasan niya sa shooting. 

“Ay, grabe! Makikita mong parang footlong. Ha-hahaha! Yung pwede pang hatiin sa dalawa! Ha-hahaha! Ang laswa! Charot!” ang tawa nang tawang chika ng komedyante.

Ano naman ang naging reaksyon niya nang malamang kailangang  halikan niya ang dibdib ni Kit, “Noong umpisa natatakot talaga ako kasi sa laking tao ni Kit. Baka sapakin ako, isang kamao lang talaga ako. Kaya natatakot ako sa simula.

“Pero yung nangyari sa akin na ma-experience yung gawin ang eksena, parang isang biyaya. Ha-hahaha!” sey pa ni Lassy.

Aniya pa, nag-usap din sila ng aktor kung paano nila gagawin ang nasabing eksena, “Pero hindi naman sa sobrang pinag-usapan, nagpaalam ako kay Kit na, ‘Kit puwede ko bang gawin ‘to?’ and he said ‘Yes.’

“Ganu’n lang kasimple. Sobrang simple lang, bahala na kung anong mangyayari basta gagawin na. Pero magkakaroon ka ng pakiramdam na, ‘Wow, Kit Thompson ‘to!” aniya pa.

Bigla namang sumingit si Direk Darryl at nagkuwento rin tungkol sa pangre-rape ni Lassy kay Kit sa movie, “Ganito po yan. Ako dapat ang magtatanong kay Kit kung okay lang bang dilaan ni Lassy yung nipples niya. Sabi ko, pag tinanong ko si Kit kung okay lang bang dilaan ang nipple niya, siyempre sasabihin sa akin, ‘Sige, Direk, okay lang.’

“Hindi ko alam kung gusto talaga ni Kit, kasi baka out of respect or because of I’m his director, mapapa-oo lang si Kit. Kaya kinuha ko si Lassy, sabi ko, ‘Tanungin mo naman si Kit kung okay lang sa kanyang dilaan mo yung utong niya?’

“Sabi naman ni Lassy, ‘Direk, baka sapakin ako. Ha-hahaha!’ Kasi lahat naman ng sinabi ko kay Kit, um-oo, so hindi ko ma-gauge.  Kaya Lassy, tanong mo naman. Sabihin mo, ‘Gusto ni Direk i-lick ko yung nipples mo, eh, kaya tanungin muna kita.’

“Ganito magtanong si Lassy kay Kit…‘Kit, sa eksena raw kasi parang kailangan dilaan ko yung nipples mo, okay lang ba sa ’yo?’ Sabi raw ni Kit, ‘Yeah, sure.’ Kung gaano siya kabagal magtanong kay Kit, ganu’n kabilis siya magsabing, ‘Direk, okay daw!’ Ha-hahaha!” kuwento pa ni Darryl Yap.

In fairness naman kay Kit, game na game rin ang aktor sa mga eksena nila ni Lassy, “Kasi nu’ng in-explain sa akin kung anong mangyayari and what the scene’s gonna be, parang alam ko na, there’s a possibility na…

“Kasi I knew the project. That it’s gonna be Lassy and Ariella (Arida). I knew how the story goes, so siyempre, nire-rape ako, so let’s make this believable,” sey pa ng hunk actor. 

Mariin namang itinanggi ni Lassy na nag-take advantage siya sa maiinit na eksena nila ni Kit sa movie, “No! Sa isip nate-tempt ka pero sa gawain, hindi! Hahaha! Pero para akong nanalo. Pumapalakpak ako! Ganu’n!” 

Showing na ang “Sarap Mong Patayin” sa Vivamax at iba pang streaming platforms simula sa Okt. 15.