Jeremy Jauncey ibinandera ang paghanga kay Pia: Proud of all you are doing baby!

Pia Wurtzbach at Jeremy Jauncey

PINUSUAN at umani ng napakaraming comments mula sa mga netizens ang “love letter” ng US-based businessman na si Jeremy Jauncey para kay Pia Wurtzbach.

Bihira lang kasi mag-post sa social media si Jeremy ng mga nakakakilig at nakaka-in love ng mensahe para sa beauty queen-actress kaya naman ramdam na ramdam ng madlang pipol ang kanyang sincerity at tunay na pagmamahal para kay Pia.

In fairness, kung may isang female celebrity ngayon na talagang nag-uumapaw ang kaligayahan dahil sa kanyang makulay na lovelife, yan ay walang iba kundi ang ating Miss Universe 2015.

Imagine, halos hindi na sila mapaghiwalay ngayon ng kanyang boyfriend sa kanilang pagbabakasyon sa Dubai, ilang buwan matapos silang magkalayo dahil sa lockdown.

Makikita sa kanilang mga Instagram post ang paglalamiyerda nila sa ilang magagandang lugar sa Abu Dhabi, United Arab Emirates.

Nauna rito, nakapag-bonding din nang bonggang-bongga ang magdyowa sa Indonesia, Maldives, Morocco, Hong Kong at London.

At sa latest Instagram post nga ni Jeremy, ibinandera niya sa buong universe kung gaano siya ka-proud bilang boyfriend ni Pia at kung paano siya nai-inspire nito sa napakaraming bagay.

Aniya sa caption ng mga sweet photos nila ng beauty queen na kuha pagkatapos nilang mag-workout, “No matter how stressful things get, we always have each other’s back and keeping each other happy and healthy is our number 1 priority.

“I’m continually inspired by her work ethic, the amount she takes on in her personal & professional life and most recently her commitment to health & fitness and inspiring others. 

“We all live stressful lives and can forget how much the people close to us do for us (even without knowing) so taking a minute to recognize and appreciate is always worth the time.

“Proud of all you are doing baby,” sabi pa ng hunky boyfriend ni Pia.   

Samantala, libu-libo rin ang nag-like at nag-comment sa bagong bikini photo ni Pia sa IG. Dito, makikita ang medyo umitim niyang balat. Aniya sa caption, “I stan my tan 
(emojis).”

Bukod sa mga fans, super react din ang kanyang mga celebrity friends sa ipinost niyang litrato.
Sey ni Miss World 2013 Megan Young, “Love it!!!!!! (fire emojis).”

Sumang-ayon naman kay Megan ang Miss Universe Philippines titleholder na si Rachel Peters, “So do I!!! (fire emojis).”

“Inggit me sa tan mo!!!!!!” comment ng celebrity fashion photographer na si BJ Pascual.