Xian Lim nahilo at nagsuka habang papunta sa Punta Fuego sa Batangas Bandera

Xian Lim nahilo at nagsuka habang papunta sa Punta Fuego sa Batangas

Reggee Bonoan |June 19,2021
share this

Xian Lim nahilo at nagsuka habang papunta sa Punta Fuego sa Batangas

Reggee Bonoan June 19,2021 - 09:22 PM

Nahilo at nagsusuka sa gitna ng dagat si Xian Lim habang umaandar ang yateng sinasakyan nila ng girlfriend na si Kim Chiu kasama ang mga kaibigan nila sa latest get away nila na may titulong “Exploring Punta Fuego with Kim” na nasa YouTube channel ng aktor.

Sinundo ni Xian ang kasintahan sa ABS-CBN kung saan galing siya sa It’s Showtime taping at saka sila dumiretso ng Batangas.

Base sa kuwento ng aktor ay hindi niya gamay ang daan patungo Punta Fuego kaya umasa siya sa Waze. Ang problema, idinaan siya ng GPS navigation app  sa ma-trapik na lugar kaya gabi na sila nakarating sa location.

Maagang gumising sina Kim at Xian at kinukunan ang kabuuan ng lugar kung nasaan sila.

“Dito kami sa rest house/beach house dito sa Punta Fuego and super chill day today and super late na kami nakarating kagabi so time to relax, time to unwind and have fun,” wika pa ng magkasintahan.

Habang naglalakad si Xian papunta sa dalampasigan, “Ito na nga ba kapag kasama si Kim lahat ng bitbit niya, sa akin nakatoka ang bitbit niya (nakitang nasa balikat niya ang bag ng dalaga)”

Napansin ng binata na maraming pinapahid sa katawan ang aktres sa katawan at mukha.

“Ang daming extra curricular ng kasama ko (Kim), ang daming bitbit. How are you? Excited siyang magdrive (jetski). Hawak ko kamera ko hawak ko kamera niya paano?” ani Xian.

Hanggang sa bumaba si Xian sa pampang, “kailangan kong (magpahinga), sobrang lakas ng alon. I got to get med (sabay pakita ng gamot) hindi ko na talaga kaya, wow.”

Ilang minutong nakaupo si Xian sa pampang habang nage-enjoy si Kim sa jetski na okay lang sa boyfriend niya.

“Quick update, gumana na ang medicine, thank you guys,” sabi ni Xian sa mga taong nagbabakasyon din na galing sa iba-iba lugar tulad ng Pasig, Valenzuela at Sta. Rosa, Laguna.

“Nagpa-ampon na ako sa kanila. Dito na muna ako kaysa masuka ako ro’n sa dagat,” sambit ng aktor.

Ilang minutong nakalipas ay sinundo na ulit siya ni Kim. “Nandito na ang rescue ko. Hindi ko talaga kaya, masyadong malakas ang alon but it’s okay, it’s all fun, pabalik na kami (sa yate).”

At pagsampa ni Xian sa yate habang nagbabanlaw ay muli na naman siyang nagsuka sa dagat kaya minabuti na nilang bumalik sa bahay.

“Hindi ko na kaya, nagsusuka na talaga ako so jetski all the way back,” pahayag ng aktor.

Aliw si Xian dahil kahit masama ang pakiramdam ay nagawa pa rin niyang kumuha ng video para sa vlog niya. Panoorin ang kabuuan ng video ng aktor sa kanyang YT channel.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending