Suicide cases tumaas noong 2020, suporta sa mga estudyante hiniling ni Sen. Gatchalian | Bandera

Suicide cases tumaas noong 2020, suporta sa mga estudyante hiniling ni Sen. Gatchalian

facebook
share this

Suicide cases tumaas noong 2020, suporta sa mga estudyante hiniling ni Sen. Gatchalian

- March 20, 2021 - 03:32 PM

Sen. Sherwin Gatchalian

Nais ni Senator Sherwin Gatchalian na magtuloy-tuloy ang pagbibigay ng psychosocial support sa mga mag-aaral mula kindergarten hanggang Grade 12.

Kasabay ito nang ulat ng Philippine Statistics Authority (PSA) na tumaas ng 25.7 porsiyento noong nakaraang taon ang suicide related deaths kumpara noong 2019.

Base sa naturang datos noong nakaraang taon, ang mga kaso ng intentional self-harm ay lumubo sa 3,529 mula sa 2,808 noong 2019.

Bukod dito, ang mga tawag sa National Center for Mental Health (NCMH) ay tumaas din sa higit 900 tawag kada buwan mula March hanggang May 2020 mula sa bilang na 400 noong May 2019 hanggang February 2020.

Samantala, 53 naman ang average calls related to suicide noong nakaraang taon

Diin ni Gatchalian, apektado ang mga estudyante dahil hindi sila nakakapag-aral sa eskuwelahan at mistulang nakakulong sa kanilang bahay.

Sabi pa niya nagkakaroon na rin ng anxiety at sleep problems ang mga bata dahil sa madalas na paggamit ng gadgets, wala sa oras na pagkain at bawas na physical activity.

“Dapat nating bigyan ng prayoridad ang kapakanan at mental health ng mga kabataan, lalo na’t isang taon na nilang hindi nakakasalamuha nang personal ang kanilang mga guro at kamag-aral,” sabi ni Gatchalian, na namumuno sa Senate Committee on Basic Education.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending