Sen. Miriam buhay na buhay pa rin sa puso ni Heart: Iba siya! She’s like a queen!
BUHAY na buhay pa rin ang mga alaala ni late Sen. Miriam Defensor Santiago sa puso ng Kapuso star na si Heart Evangelista.
Habangbuhay na raw mananatili sa kanyang isip ang lahat ng life lesson na itinuro at natutunan niya mula sa yumaong senador, lalo na ang pagiging matatag at matapang sa pagharap sa mga hamon ng buhay.
At siyempre, sino ba ang nagpakilala sa kanya kay Sorsogon Gov. Chiz Escudero na ngayon ay asawa na niya — yan ay walang iba kundi si Sen. Miriam Santiago rin.
Muling binalikan ni Heart kung paano sila nagkakilala at nagsimulang maging close ng senadora sa chikahan nila ng beauty doctor at kilalang dermatologist na si Aivee Teo na mapapanood sa YouTube channel nito.
Ayon sa Kapuso actress, unang nagkrus ang landas nila habang sabay silang nagsa-shopping sa isang sosyaling department store.
“She (Miriam Santiago) saw me in front of Rustan’s when I was really, really young.
“She said, ‘You’re Heart Evangelista, right? My son adores you’ — and that son was the one that passed away. So, parang she found some kind of connection,” kuwento ng aktres.
Mula noon, naging constant na ang kanilang communication hanggang sa dumating pa nga ang pagkakataong mismong si Sen. Miriam na ang nagma-manage at nagre-review ng mga kontrata ni Heart sa showbiz.
“She even made me go to her office and lahat ng lawyers niya nakapila. She went, ‘This is Heart Evangelista. She’s going to be our new project.’
“Honestly, she’s like a queen, ’cause whenever she walked in a room, everyone would stand up. Iba! Parang she came from an old world, an old soul,” pahayag pa ng misis ni Chiz.
Sa tanong kung gaano katindi ang naging epekto sa kanya ng pagkawala ng senadora noon, lalo pa’t ikalawang nanay na ang turing niya rito.
“I was crying because at the time we didn’t talk as much. She was so protective over me. In fact, she only allowed me to get married if I got a prenup,” pahayag ng Filipina fashion icon.
Dugtong pa niya, “But I feel like, in a way, she did me a favor because she introduced me to my husband and kind of placed it all together.”
Sa isang Instagram post noon ni Heart, inamin niyang araw-araw niyang nami-miss ang senadora, “If only I could turn back time and have one last conversation with you. I know people would have loved an ‘Adulting 101 with Senator Miriam’ video too. Missing you every day, Sen. Miriam.”
Pumanaw si Sen. Miriam Santiago dahil lung cancer. Ipinalabas noong 2016 sa GMA drama anthology na “Wagas” ang love story ng senador at ng asawa niyang si Jun Santiago na pinagbidahan nina Heart at Geoff Eigenmann.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.