Dito hindi magiging banta sa seguridad ng Pinas–Tamano
Tiniyak ng Dito Telecommunity na hindi ito magiging banta sa pambansang seguridad.
“Una, kami ay isang kumpanya na Pilipino, pinatatakbo ito ng mga Pilipino, ang mga empleyado ay Pilipino,” pahayag ng tagapagsalita ng third telco na si Adel Tamano.
Nangangamba ang ilang senador at maging ang civil society groups na magagamit ang Dito para sa pag-espiya ng China sa Pilipinas. May 40 porsyentong pag-aari ang state-owned China Telecom sa Dito.
“Hindi namin papayagan na may mangyaring pag-espiya o kung anuman na makakasama sa seguridad ng bansa,” ani Tamano.
Sinabi pa niya na umaabot sa P1 bilyon ang inilagak ng kumpanya para sa cybersecurity.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.