Rabiya ipinagtanggol ng ina: Wala siyang retoke…sana all have a lovely face, a beautiful soul

MATAPANG na niresbakan ng nanay ni Miss Universe Philippines 2020 Rabiya Mateo ang mga nagsasabing retokada ang kanyang anak.

For the first time, nagsalita nga ang ina ni Rabiya matapos akusahan ng ilang netizens ang dalaga na hindi raw natural ang angking kagandahan.

Partikular na tinukoy ng mga bashers ng beauty queen ang ilong nito na ibang-iba na raw kung ikukumpara sa dati nitong itsura lalo na noong nag-aaral pa ito.

“Marami lang nagtatanga-tangahan to destroy others. Wala namang retoke si Rabiya,” pahayag ni Gng. Christine Mateo sa panayam ng GMA 7.

“Pilit nang pilit kasi. Tanong nang tanong ang iba. What’s the big deal? Ang alam ko kapag may problema sa pimples, punta kay doc, kapag sa mata, lagyan ng eye makeup.

“Kapag sa ilong, contour or kay doc, you call that enhancement. Alam naman nila iyan,” pahayag pa ni Christine.

Inamin din ng nanay ni Rabiya na isa rin siyang “ugly duckling” noong kabataan niya.

“But, I am a happy person and I have improved myself. Unhappy people evaluate and judge others. My children are the most beautiful gift given to me by God, regardless.

“What’s important is, and I’m sure lots would agree with me saying this, sana all have a lovely face and a beautiful soul,” dagdag pa niyang paliwanag.

Kumalat ang old photo ni Rabiya mula sa kanyang high school yearbook ilang oras lang matapos siyang koronahan bilang 2020 Miss Universe Philippines.

Pinagpiyestahan ito ng mga bashers at haters at marami nga ang nagkomento ng negatibo sa itsura noon ng beauty queen.

Pero sa halip na magalit at ma-offend, ni-repost pa ito ni Rabiya at inaming siya nga ang nasa yearbook photo.

“This is me 11 years ago. I still didn’t have my braces. I don’t (know) how to put on make-up. I’m not aware of what angle flatters me most, but that was still me.

“A lot of things happened in that period of time. I grew up and has become more mature. I was able to invest in myself and practice self-love.

“If there would be one thing that I want other people to know about me is that I am beautiful then and now. The only thing different is that now, I know better.”

“Stop calling anyone ugly. If that’s how you see things, maybe then it’s your soul that needs surgery,” mensahe pa ni Rabiya na siyang magiging representative ng Pilipinas sa Miss Universe 2020 ngayong darating na December.