Anne wala pang balak bumalik sa showbiz, hihintayin munang mag-birthday si Baby Dahlia
MUKHANG hindi pa talaga handang bumalik sa Pilipinas si Anne Curtis para muling magtrabaho at humarap sa mga camera.
Halos isang taon nang nasa Australia ang TV host-actress kung saan niya ipinanganak ang panganay nila ni Erwan Heussaff na si Baby Dahlia. Doon na rin sila inabutan ng lockdown dulot ng COVID-19 pandemic.
Mula pa noong December, 2019 ay nasa Melbourne na si Anne kasama ang asawa at nagtuluy-tuloy na nga ito nang ipanganak si Dahlia noong March, 2020.
Ayon sa Kapamilya actress, hindi naman daw siya nagmamadali na makabalik sa showbiz, lalo pa’t patuloy pa rin ang banta ng killer virus sa bansa at sa iba pang bahagi ng mundo.
“I wouldn’t say na I’m in a rush to start working again, just because… lalo na for the first year of Dahlia’s life, I really want to be there for her, and really see all the firsts that will happen,” pahayag ni Anne sa online chikahan nila ng kaibigang si Tim Yap.
Aniya pa, “I just feel very happy and blessed that I get to spend this much time with her, na talagang 24/7 magkasama kami.”
Naikuwento rin ni Anne na may natanggap na siyang mga offe sakaling bumalik na siya sa bansa, kabilang na rito ang ilang pelikula.
“I haven’t been reading scripts yet. I think I will probably start that next year pagbalik ko. Patapos na rin naman ang taon. So come January, I’ll probably start reading.
“I don’t think I’ll start shooting until Dahlia is 1,” ang chika pa ng Kapamilya star.
Sa kanyang pagbabalik sa akting, mas gusto raw ni Anne ang mga role na hindi pa niya nagagawa — yung mga karakter kung saan mas matsa-challenge siya at mate-test ang kanyang versatility.
“For me, it really boils down to a really good script. I really like to add to the versatility and different genres that I could experience and tackle as an actress.
“It makes it more fun for me, being able to challenge myself with different roles that are completely different from one another,” pahayag pa ni Anne.
Kaya sa lahat ng fans ng aktres, abangers na lang muna kayo sa mga susunod na kabanata.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.