CHRISTOPHER ROXAS kay GLADYS: Siya naman lagi ang nasusunod, kaya tahimik lang ako!

Tawa naman kami anng tawa sa pambubuking ng bihirang magsalitang si Christopher Roxas tungkol sa pagiging “dominanteng” asawa ni Gladys Reyes.

“Siya naman talaga ang laging nasusunod. Masunurin lang akong talaga at para walang gulo, susunod at tatahimik na lang ako,” sagot ng aktor sa tanong kung sa kanilang dalawa ni Gladys ay sino ang mas may “nag-aapoy” na personalidad para pagningasin ang maganda nilang pagsasama.

“Pero may mga moment naman pong tatahimik at susunod na lang din ako lalo na’t ramdam ko ang ma-apoy na pananahimik ng asawa ko,” sabay biro sa asawang shocked talaga sa “panlalaglag” nito sa kanya.

Hindi sila package deal sa naturang GMA soap. Nagkagulatan pa nga raw sila nang malaman nilang sa iisang soap sila magkakatrabaho.

Hindi rin magkaugnay ang mga roles nila dahil si Gladys ay gumaganap na kapatid ni Ryan Eigenmann na gagawin lahat para paghiwalayin sila ni Roxanne Guinoo na nabuntis naman ni Christopher.

Si Thea nga ang magiging anak nila na may kakayahang gumawa ng apoy sa pamamagitan ng kanyang isip.