Rachelle Ann pinakasalan ang lalaking hiniling kay Lord: Sakto talaga, pati itsura!

IPINAGDASAL at talagang hiniling ng singer-actress na si Rachelle Ann Go kay Lord ang asawang si Martin Spies.

Hindi pa man ibinibigay ng Diyos ang kanyang wish ay nai-imagine na ng Kapuso star at international theatre performer ang itsura at personality ng kanyang “Mr. Right.”

Nagsimula ang love story ng mag-asawa noonf 2017, at pareho raw silang nagdarasal na sana’y matagpuan na nila ang kanilang “forever.”

Sa latest vlog ni Rachelle Ann, nagsimula ang pagsusulat niya ng kanyang journal habang patungo sa
New York para sa bago niyang journey bilang international theater actress. Bukod sa paghingi ng guidance, ipinagdasal din niya ang pagkakaroon ng asawa na makakasama na niya habangbuhay.

“That was the first time that I started praying for a husband. And I was like, ‘Lord, please give me a husband,’” pag-amin ng Kapuso star.

Detalyado raw sa isip at puso niya kung anong itsura at qualities ng lalaking gusto niyang mapangasawa — at ito raw talaga ang ipinagkaloob sa kanya.

“It was very detailed and specific. Talagang sabi ko, tall, tapos Godly, very spiritual.

“Tapos ‘yung physical sabi ko, you know, a man with a good heart tapos may stubbles. Ganyan ‘di ba, sakto talaga. Ha-hahaha!

“Basta sobrang it was so specific ‘no, na talagang parang it seems impossible but I was like you know, anything is possible with God so why not pray for what you want,” pahayag pa ni Rachelle Ann.

Ayon naman kay Martin, tandang-tanda pa niya ang ibinahagi niyang life goals sa kanyang mga kaibigan sa isang bible group.

“I shared with them that, ‘this year is the year I really want to meet someone,’” aniya.

Fast forward ang eksena sa isang simbahan sa New York kung saan unang nagkita sina Rachelle at Martin.

Naglalakad daw ang singer-actress sa pasilyo ng simbahan nang masulyapan niya ang lalaking nakatayo sa isang sulok.

At sa hindi maipaliwanag na dahilan, biglang tumibok nang mabilis ang puso niya.

“Nag-double look ako pero ‘yung pag-double look ko guys, na-slomo (slow motion) talaga, ‘yung talagang sabi ko talaga, ‘This is the guy I’m gonna marry.’ Ganu’n.

“Talagang ‘yun ‘yung sinabi ko sa sarili ko, but then I was like, ‘C’mon Shin (palayaw niya), focus. ‘Di ba you’re here in church, like you’re gonna focus. You’re not supposed to look at anyone,’ ‘di ba,” natatawang chika pa ni Rachelle.

Hindi man siya napansin ni Martin nu’ng araw na yun, muli silang pinagtagpo ng tadhana at nagkakilala sa pamamagitan ng kanyang Ninang Ritz.

“And that second Sunday that you were there, that’s when I was coming down the stairs into the auditorium. I saw Ritz whom I haven’t seen for a while and you were standing behind her and she introduced us.

“I was wondering, ‘Wow, who is this new member of the church coming?’ So then after that, I started asking around and googling a little bit,” sabi ni Martin.

At dito na nga nagsimula ang kanilang magandang friendship hanggang sa maging magkarelasyon na. Ikinasal sila sa Boracay noong April, 2018.