Rayver swerte pa rin sa career kahit may pandemya; ‘All-Out Sundays’ balik-studio na
BALIK-STUDIO na ang “All-Out Sundays” na napapanood tuwing Linggo nang tanghali sa GMA 7.
Pero hindi pa raw ito talaga live kundi “taped as live” lang at tuwing Sabado ang schedule ng taping.
Kaya masaya ang singer-actor-host na si Rayver Cruz dahil sa wakas ay makakatuntong na ulit siya ng GMA pagkatapos ng ilang buwang community quarantine.
‘Yun lang sobrang higpit sa pagpapatupad ng health protocols dahil bawal na ang may kasama o personal assistant ang lahat ng artists.
Kanya-kanya na muna sila kaya ‘yung mga hindi sanay na walang tagabihis at taga-make up ay tiyak na mahihirapang mag-adjust.
Sa panig naman ni Rayver siguradong hindi siya mahihirapang magbihis dahil sanay na siya, ang pagme-make up lang siguro ang challenge sa kanya dahil may sarili siyang make-up artist.
Hmmmmm, puwede naman sigurong naka-standby ang make up artist sa sasakyan niya.
Anyway, labis na nagpapasalamat ang aktor dahil sa kabila ng pandemya ay may trabaho pa rin siya at sa katunayan ay katatapos lang niyang magtanghal sa Shopee TV Special na mapapanood ngayong gabi sa GMA News TV kasama ang kapwa Kapuso stars na sina Ai Ai delas Alas, Rhian Ramos, Gabbi Garcia at Janine Gutierrez.
Ang iba pang mga performers ay sina Lani Misalucha, Marcelito Pomoy, Christian Bautista at may appearances din sina DJ Loonyo, Mark Herras, Rodjun Cruz, Kakai Bautista, Rita Daniela, Betong, Jak Roberto, Boobay at 2018 Miss Universe Catriona Gray.
Samantala, natanong si Rayver kung ano ang madalas niyang orderin sa nasabing online app, “Since I’m a fan of Japanese anime, I bought an umbrella that looks like a samurai, my phone cases. I always change my phone case depending on my mood.”
Kung si Rayver ay kung anu-ano lang ang ino-order ay mga nagagamit naman sa bahay ang kay Janine.
“I love this dishwashing soap dispenser I found. You place your sponge on top, press down, and when you lift it, there’s soap on your sponge already. So much easier to wash dishes and I bought a drain unclogger! It worked miracles,” aniya.
May isa pang malaking project si Rayver na hindi pa puwedeng i-reveal dahil may mga inaayos pa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.