KALABOSO ang isang security guard na nakuhanan umano ng P122,400 halaga ng shabu sa Quezon City.
Si Elyon Trejano, 50, ng Brgy. Commonwealth, ay naaresto umano sa buy-bust operation ng Batasan Police alas-9:30 ng gabi sa Litex Road, Brgy. Commonwealth.
Nakabili umano ang poseur buyer ng P8,500 halaga ng shabu sa suspek. Nang maaresto ay nakuhanan pa umano ito ng 18 gramo ng shabu na nagkakahalaga ng P112,400.
Samantala, naaresto naman si Ryan Longasa, 30, na nakuhanan umano ng pitong sachet ng shabu na nagkakahalaga ng P3,400 alas-5:30 ng hapon sa Farmer st., Area B, Brgy. Payatas.
Naaresto naman ng Eastwood Police sa buy-bust operation sina Roderick Mendiola, 44, Jeomar Vicente Lacson, 39, at Rhoyjhon De Mesa, 30, alas-10:30 ng gabi sa Area 5, Brgy. Old Balara. Nakuhanan umano ang mga ito ng P6,800 halaga ng shabu.
Nahuli naman ng Masambong Police si Adrian Gaano, 42, alas-5:30 ng hapon habang nagsasagawa ng surveillance operation sa Gate 2, Bliss Road 3, Brgy. Bagong Pag-asa. Napansin umano ng mga pulis na aligaga ang suspek at nang kapkapan ay nakuhanan umano ito ng isang sachet ng shabu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.