Mag-asawang Gwen, David super enjoy sa buhay-promdi; Baby Thylane pampagigil sa socmed

HINDI pagtalima o pagsunod sa Balik-Probinsya program ni Sen. Bong Go ang napiling pamumuhay ngayon ng Kapuso artist na si Gwen Zamora.

Mukhang enjoy na enjoy naman si Gwen sa buhay-probinsya sa piling ng kanyang mister na si David Semerad.

Half-Czech at half-Pinoy si David (‘di siya echoserang Prague) samantalang may dugong Italian naman si Gwen.

Last year noong pinili nilang mamuhay malayo sa siyudad. Mas pinili muna nilang iwan pansamantala ang kanilang respective career dito sa Manila.

May sarili silang farm house sa Batangas na modern ang pagkakagawa.

Self-contained na matatawag ‘yon. While the couple is enjoying domestic comfort (dahil kumpleto sila ng home appliances) ay hindi na nila kailangang mamalengke.

May green thumb si David. Magbanggit ka ng prutas at gulay ay meron silang tanim, at least most of them.

 Kasama rin nina David at Gwen ang kanilang bundle of joy, si Baby Cooper plus ang alaga nilang rotweiller.

At worst, puwedeng habambuhay magkaroon ng lockdown pero tuloy ang buhay ng mag-asawa. Nature at its best, togetherness at its sweetest.

                                                                                         * * *

Bumuhos ang positive comments mula sa followers at kapwa celebrities sa ipinost ng Kapuso actress na si Solenn Heussaff na cute photo ng kanyang mag-ama sa Instagram.

 Ibinahagi ng aktres ang litrato ng asawang si Nico Bolzico habang karga ang kanilang anak na si Thylane Katana na nakasuot ng hooded bath towel.

 Kabilang sa celebrity friends na nag-post ng comment sa photo ni Thylane ay ang Mars Pa More host na si Iya Villania. Komento niya, “I want to make her gigil!!!” 

Maging ang Unang Hirit host na si Lyn Ching ay napa-comment ng “Those beautiful eyes,” sa cute photo ng unica hija nina Solenn at Nico.