SWS: Maraming Pinoy lumalabas ng 1-3 beses kada linggo
Lockdown
APAT sa bawat limang Filipino ang lumalabas ng bahay 1-3 beses kada linggo, ayon sa survey ng Social Weather Stations.
Sa Mobile Phone Survey ng SWS mula Mayo 4-10, sinabi ng 81 porsyento ng mga respondents na lumalabas sila ng bahay 1 hanggang 3 beses kada linggo para bumili ng pagkain. Ang 17 porsyento naman ay lumalabas ng 4-7 beses kada linggo at dalawang porsyento naman ang walo o higit pang beses na lumabas.
Nasa 98 porsyento naman ang lumalabas ng bahay isa hanggang tatlong beses kada linggo para bumili ng gamot. Dalawang porsyento naman ang lumalabas ng 4-7 beses at 0.02 porsyento ang walo o higit pa kada linggo.
Nasa 98 porsyento rin ang lumalabas ng bahay isa hanggang tatlong beses kada linggo para sa mga pinansyal na transaksyon. Isang porsyento naman ang lumalabas ng 4-7 beses at 0.1 porsyento ang higit sa 8 beses.
Kinuha sa survey ang opinyon ng 4,010 working age Filipino. Ang survey ay mayroong plus/minus 2 porsyentong error of margin.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.