Maureen Wroblewitz sinagot ang tanong na: Buntis ka ba?
BUNTIS nga ba ang international model at dating Eat Bulaga Dabarkads na si Maureen Wroblewitz?
Yan ang tanong ng ilang netizens nang makita ang latest post ni Maureen sa kanyang Instagram account.
Makikita sa litrato ang dalaga kasama ang boyfriend na si JK Labajo na kuha sa mula sa pagbabakasyon nila sa isang beach resort.
Kasama rin sa bago niyang IG post ang screenshot ng bago niyang pinagkakabisihan lalo na ngayong may enhanced community quarantine — ang Animal Crossing game ng Nintendo Switch.
Comment ng ilang netizens, adik na rin daw sila sa nasabing game at tulad ng Asia’s Next Top Model 5th season winner, ito rin ang nilalaro nila simula nang magkaroon ng lockdown.
Pero isang IG follower ni Maureen ang nakapansin sa litrato nila ni JK, mukha raw kasing malaki ang tummy nito kaya at ang tanong niya sa dalaga, “Are you pregnant?”
Agad naman itong sinagot ni Maureen ng, “It’s the skirt,” na sinundan pa niya ng laughing emoji.
Noong nagsisimula pa lang ang lockdown, nagpakilig nang bonggang-bongga sina Maureen at JK dahil sa kumalat nilang TikTok video na kuha sa loob ng sasakyan kung saan nagbigay din sila ng tipa para makaiwas sa COVID-19.
“Cause i‘ve got nothing to post, here‘s my latest tiktok (mwrob), this is how we both actually go out. I even wear gloves sometimes cause of my many cat scratches on my hand.
“But with the total lockdown I guess going out won‘t be possible anymore (unless you have to work like our friend Kuya Noy who‘s a nurse, shout out to you) My whole family is spread out right now. I wish we could all come together.
“Just wanna make sure everyone’s safe! Anyways, please take this seriously, only then will we be able to fight this virus,” caption ni Maureen sa nasabing IG video.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.