Agot Isidro kamukha raw ni Palito: Dear DDS, If you think I’m offended, I’m not

IKINUMPARA ng isang netizen si Agot Isidro sa namayapang komedyante na si Palito sa pamamagitan ng isang drawing.

Gamit ang dating litrato ni Agot na kuha noong August, 2019 at naka-post sa kanyang Instagram account, iginuhit ng isang basher ang itsura ni Palito at ibinandera sa Twitter katabi ang original photo ng singer-actress.

Ang paniwala ni Agot, isang DDS o Duterte Diehard Supporter ang may pakana ng drawing para ipahiya at okrayin siya ng kanyang haters. 

Mabilis na nag-viral ang screenshot ng sketch sa Facebook at talagang nilait nang bonggang-bongga si Agot. Comment ng ilang netizens,  hindi nila alam na si Palito pala ang tatay ng aktres.

Ni-repost ni Agot sa Twitter ang sketch at dito nga niya sinabi na isang DDS ang nasa likod ng viral sketch. Alam naman ng lahat na kilalang kritiko ng Duterte administration ang Kapamilya singer-actress.

Pero aniya, kung inaakala nitong magagalit o mao-offend siya,  nagkakamali raw ang netizen. Isang karangalan pa raw ang maikumpara kay Palito na itinuturing na isang comedy icon sa bansa.

Narito ang bwelta ni Agot, “Dear DDS, If you think I am offended by this, I am not.

“Palito is a legend. I am quite honored, actually. So thank you for this,” aniya pa.

Dagdag pa niya, “But please, take your pea-brains out of my TL, because I am blocking you. My TL, my rules.”

Maraming kumampi kay Agot at nagpayong huwag nang pansinin ang mga taong walang ginawa kundi ang maghanap ng mali sa kapwa at puro kanegahan ang buhay.

Isang follower naman ni Agot ang nagsabing bukod sa pagiging showbiz legend, isang mabuting tao rin si Palito na sumikat at bumida sa mga comedy films noon.

 “Had the pleasure of meeting Palito way back in the 90’s. My mom and I saw him at Wendy’s Sucat Interchange.

“He was a low key, humble looking man. He even talked to my mom on our way back to the parking lot. Walang ka-ere-ere. God bless him. And you too, @agot_isidro,” mensahe ng netizen.