Maine napa-sana all sa ‘lockdown’ post ni Oyo
MAINE MENDOZA
PINUSUAN ng maraming netizens ang “lockdown” paandar ng Kapuso actor na si Oyo Sotto sa social media.
Ilang celebrities ang napa-wow sa ipinost ni Oyo sa Instagram kaugnay ng pananatili niya sa bahay habang nasa community quarantine ang Metro Manila dahil sa COVID-19.
Para sa anak ni Bossing Vic Sotto, wala problema kung “ma-lockdown” man siya sa bahay habang hinihintay ang pagbabalik sa trabaho.
Ipinost kasi ni Oyo ang litrato ng asawang si Kristine Hermosa sa IG kung saan makikita ang mala-dyosa pa ring itsura ng aktres. Ilan na kasi ang kanilang anak pero parang dalaga pa rin si Tin.
Kaya naman sey ni Oyo, okay lang ma-lockdown basta’t kasama ang napakagandang misis. Nag-reply naman ang aktres ng laughing emoji sa viral post ng asawa.
Libu-libong likes at comments na ang nahamig ng IG post ni Oyo at isa nga sa pinakilig ng mag-asawa ay ang co-star ng aktor sa Kapuso sitcom na Daddy’s Gurl, si Maine Mendoza.
Napa-“sana all” talaga ang Dubsmash Queen sa sweet post ni Oyo.
* * *
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.