Bitoy nagpasabog ng good vibes gamit ang ginawang face mask… ala-Heart

Nagpasabog na naman ng good vibes ang TV host-comedian na si Michael V sa gitna ng kinakaharap na problema ng bansa sa COVID-19.

Viral ngayon ang sa social media ang kanyang “DIY Hermes mask” na hango sa pinag-usapang fashionable face mask ni Heart Evangelista.

Sa maikling video ni Bitoy makikita ang kanyang mukha na may nakataling Hermes ribbon na pinatungan ng surgical mask.

Sabi ng comedian, “I must be doing something wrong.” Tinag pa niya si Heart sa kanyang post. Comment naman ng aktres, ang version ni Bitoy ang the best sa lahat ng DIY video na napanood niya.

Sa huli, seryosong pinaalalahanan ng Kapuso comedian na doblehin ang pag-iingat para hindi mahawahan ng COVID-19, “Be safe with your families everyone.

“P’wedeng tawanan ang mga jokes pero community quarantine is a serious matter. ‘Pag nagkasakit ka (kahit hindi COVID-19) at dinala ka sa ospital, there’s a chance na mahawa at makahawa ka.

“Kaya make the most out of your time. ‘Pag hindi matigas ang ulo, mas mabilis matatapos ‘to.”