Balita

NAG-crash ang helicopter na sinasakyan ni Philippine National Police (PNP) chief Gen. Archie Gamboa Huwebes ng umaga sa San Pedro, Laguna.

Isinugod sa pagamutan si Gamboa at ilan pa niyang kasamahan, ayon sa report ng dzMM.

Bukod kay Gamboa, sakay din ng chopper ang spokesman ng PNP na si General Banac, Major general Jovic Ramos, General Mariel Magaway, ang aid ni Chief PNP, at tatlong crew, ayon kay Lt. Col. Chit Gaoiran, spokesperson ng PNP Region 4-A sa panayam ng dzMM.

Conscious o may malay si Gamboa nang siya ay hugutin mula sa nag-crash na chopper, base sa inisyal na report ng pulisya.

Nasa ligtas na kalagayan na ang mga sakay ng chopper.

Patungo si Camp Vicente Lim sa Calamba, Laguna ang PNP chief nang magcrash ang sinasakyan nitong chopper.

Sumabit umano sa live wire ang chopper.