Maine kabado sa paglabas ng bagong kanta; may hiling sa fans

TAONG 2018 pa pumirma si Maine Mendoza ng recording contract sa Universal Records.

Halos dalawang taon na ang lumipas pero this year lang inilabas ang una niyang single na “Parang Kailan Lang.”

Nakapag-record na si Meng ng kanta, ito ‘yung theme song ng movie nila ni Alden Richards na “Imagine You And Me” at dahil dito kaya nagkaroon ng idea ang Universal Records na gawan siya ng album.

Sa interview ng GMA News sa Dubsmash Queen, sinabi niyang nagre-record na siya ng mga kanta sa isang application sa internet kahit nu’ng wala pa siya sa showbiz.

“Pero ginagawa ko lang naman ‘yon out of boredom and curiosity na rin. Sino ang mag-aakala na magkakatotoo naman talaga?” tuwang-tuwang sabi ni Meng nang matanggap ang offer ng UR.

Sa kanyang bagong single, may collaboration siya sa electro pop rock band na Gracenote.

“Medyo kinakabahan ako kasi hindi ko alam kung magugustuhan ba ng mga fans ‘yung song. Siyempre ‘yun ang gusto kong mangyari, di ba? Pero sabi nga, hindi mo naman mapi-please ang lahat ng tao.

“Pero nagdarasal ako na sana magustuhan nila. ‘Yun lang ang hinihiling ko,” pahayag pa ni Meng.

In fairness, malakas sa iTunes ang “Parang Kailan Lang” at marami ang nagsasabi na nakaka-relate sila sa kanta. Nakapag-shoot na rin ang TV host-actress-singer ng music video para sa kanyang bagong single.

Ay, bukas nga pala ang 25th birthday ni Meng kaya gusto namin siyang batiin ng happy, happy birthday!

* * *

Available na for downlowloading at streaming ang theme song ng Kapuso series na Love of My Life, ang “Sa Aking Panaginip”.

Si Maricris Garcia ang kumanta nito na swak na swak sa kuwento ng Kapuso series na pinagbibidahan nina Coney Reyes, Carla Abellana, Rhian Ramos, Mikael Daez at Tom Rodriguez.

Sa itinatakbo ng kuwento ng serye ngayon, kaabang-abang ang susunod pang mga conflict lalo na kapag namatay na ang character ni Tom.
* * *