Isinalang na ang second baby ng Kapuso actor na si Mike Tan nitong nakaraang Feb. 26. Pinangalanan nila itong Baby Priscilla.
Isang healthy baby girl ang ikalawang anak ni Mike at asawa nitong si Priscilla Tan. Sa kanyang Instagram, bago manganak ang asawa, nagparamdam na ang aktor sa parating na bagong blessing sa buhay nila habang naka-full scrub suit at tila papasok na ng operating room.
Aniya, “February 26, 2020 — Guess who I met for the first time today?” Sinundan ito ng isa pa niyang litrato habang pinuputol ang umbilical cord ni Baby Priscilla at may caption na, “Children are a gift from the Lord; they are a reward from Him. – Psalm 127:3”
Binati naman ng mga kapwa-Kapuso celebrities ang mag-asawa sa paglabas ni Baby Priscilla, kabilang na sina Carla Abellana, Jak Roberto, Arnold Clavio, Rich Asuncion, Maxene Magalona at marami pang iba.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.