Resbak ni Yassi sa bashers: Hindi inahas ni Issa si James kay Nadine

IPINAGTANGGOL ni Yassi Pressman ang kapatid na si Issa Pressman kontra sa mga naglabasang balita na ito ang dahilan ng paghihiwalay nina Nadine Lustre at James Reid.

Sa kanyang Instagram account, sinabi ng leading lady ni Coco sa seryeng Ang Probinsyano, na walang balak sagutin ni Issa ang mga akusasyon sa kanya.

“Hindi papatol ang kapatid ko sa mga pinagsasasabi n’yo!” ang matapang na pagtatanggol ni Yassi sa nakababatang kapatid na pinuputakti ngayon ng matinding pamba-bash. “Pero bilang ate, hindi ko naman po yata kayang panuorin na patuloy po siyang binabato ng mga masasakit na salita dahil nananahimik siya.”

Ipinost din ni Yassi sa IG ang litrato nila ni Nadine na may caption na, “This was me and nadz last night, watching how some of us become cruel over untrue statements. [smiley emoji].

“Initially we all laughed about how crazy the things that woke us up yesterday were, and then….they started getting out of hand, at di na yun tama.

“Ayaw na po sana namin patulan, but we decided to post something because cyber-bullying is not okay, it is never okay. Be careful with the words you say, and things you THINK are true on social media.

“They’re not always the truth. Do not be so quick to point fingers, when you do not have the proper information. #thinkbeforeyouclick,” pahayag pa ng dalaga.

Siniguro rin niya na maayos ang relasyon nila ni Issa kay Nadine, “We’re all okay. Sana po kayo din. Let’s respect everyone. [smiley, heart emojis].”

Ito naman ang mensahe ni Yassi para kay Nadine patungkol sa mga bashers, “If you can tattoo on your body ALL the words you say online, would you be proud?”