Rachelle Ann gusto nang magkaroon ng baby pero may pumipigil

MARTIN SPIES AT RACHELLE ANN GO

SINUBUKAN pala ng International Theater Diva na si Rachelle Ann Go na imbitahan ang long-time friend niyang si Sarah Geronimo na mag-guest sa kanyang Valentine concert titled “Rachelle Ann Ago: The Homecoming” sa Marriott Hotel, Resorts World Manila.

But as we all know, may concert din si Sarah on Feb. 14 with Regine Velasquez.

“Oo nga,” slight sad na sabi ni Rachelle during the media launch of her concert. “Actually, I messaged her. Sabi ko, ‘I’m having a concert. Can you guest? Guest ka naman. Mag-ano tayo.’ Actually, ang gusto ko YRS, tatlo kami nina Yeng (Constantino), Sarah and ako. Tapos ‘yun nga raw February 14. Sabi ko, ‘Huh? ’E, naayos na lahat, ayun.”

Pero hoping pa rin si Rachelle na someday ay magkakasama-sama silang muli nina Yeng at Sarah sa isang concert.

   Natanong namin si Rachelle kung ano ang reaksyon niya na engaged na si Sarah kay Matteo Guidicelli. Tuwang-tuwa siyempre si Rachelle para sa kaibigan niya, “Super! Super saya ko! I’m happy for them. Alam naman nila I’m always here for them. At saka kahit nandoon po ako (sa London), updated po ako.”

Siyempre, sure na sure siya na a-attend sa wedding nina Sarah at Matteo, “Uhm, ‘yun nga, kapag invited po ako. Ha-hahaha! Tanungin natin siya.”

Kahit wala si Sarah sa concert niya on Valentine’s Day, super excited pa rin si Rachelle Ann dahil ang kapwa niya Miss Saigon and Les Misarables artist na si Lea Salonga ang isa sa special guests niya sa show.

       “She’s very professional. Ang sarap makatrabaho ng isang taong professional at merong disiplina. At may passion. Inspirasyon ko talaga si Miss Lea pagdating sa work ethics, talagang magaling.  At ang damiing advice na naibibigay sa akin. When you’re watching, when I first saw her sa concert, nu’ng nag-guest po ako, nakaganyan (nganga) lang ako sa kanya. Tulala ako. Kasi talaga, ang sarap pakinggan magsalita at kumanta. So, I’m so excited,” sabi ni Rachelle.

     Si Rachelle rin ang pambuwena -manong handog ng Cornerstone Concerts for 2020.  Bukod kay Lea, special guests din sa “Rachelle Ann Go: The Homecoming” concert sina Idol Philippines champion Zephanie at Erik Santos sa direksyon ni Paul Basimillo at ang musical director naman ay si Marc Lopez.

       Darating siyempre ang South African hubby ni Rachelle na si Martin Spiels to watch her concert at para i-celebrate na rin na magkasama ang Valentine’s Day.

    Tinanong namin si Rachelle kung kailan naman siya magkaka-baby, “Excited na nga ako makita. Ano kayang combination? Kaya lang for now, we want to travel. Kasi nga before the wedding, nag-i-start pa lang kami. Kumbaga, we’re building up foundation. Gusto namin ‘yung strong talaga. We want to travel and see the world.”