Coleen sa pagiging ‘bisyo-free’ ni Billy: Ibang tao siya ngayon!

EDGAR ALLAN GUZMAN AT COLEEN GARCIA

Proud na proud si Coleen Garcia sa kanyang asawang si Billy Crawford dahil nagtagumpay ito sa paglaban sa kanyang mga bisyo, partikular na ang drinking problem nito.

Sabi ng aktres, napakasarap ng feeling niya bilang misis na wala nang bisyo ang kanyang mister, “He quit alcohol for more than a year now, talagang ibang-ibang tao na siya ngayon.

“And he’s cool with his temper and everything, and very reasonable to talk to. Level-headed na, hindi na siya yung nag-a-outburst gaya dati,” pahayag ni Coleen sa presscon ng kanyang latest movie na “Mia” kung saan first time niyang makakatambal si Edgar Allan Guzman.

Marami naman ang nagsasabi na sumobra naman yata ang kapayatan ngayon ni Billy na mukha na siyang may sakit, pero sabi ng kanyang asawa, “Well, I mean, the weight wasn’t really a problem, but it became, like, a side effect of everything. I guess, a side product of quitting all the bad habits was losing the weight.”

“Pero ang saya lang. I maybe just speaking for myself, but as wife, yun ang pinaka-happiness talaga na makukuha ko, na I’m able to influence my partner to be better, yung maging source of inspiration ka na ganun. Kasi ganun din naman siya para sa akin,” aniya pa.

Patuloy pa niyang kuwento, “Actually, kasi si Billy, he used to drink at home. Nakakaisang bottle siya on his own. It’s really not healthy, it’s not productive, it’s not good for you in any way talaga.”

“With Billy kasi, he’s not the type na kailangan mong sabihin na mag-stop ka ng ganito. Kasi even yosi, nag-stop na siya ng six years or almost six years ago. Even yun, ang hirap-hirap nu’n. Pero nandu’n yung determination niya, and he really worked hard at it at hindi na talaga siya bumalik,” dagdag pa ni Coleen.

* * *

Samantala, feeling blessed naman si Coleen Garcia sa pagpasok ng 2020 dahil ang pelikula nga nila ni Edgar Allan Guzman ang magiging buwena-manong Pinoy movie na ipalalabas after ng Metro Manila Film Festival, ang tinaguriang “romcom with a big twist” na “Mia” directed by Veronica Velasco.

Ito rin daw ang unang pagkakataon na magiging title role siya sa isang pelikula, “Almost two years na I didn’t do a film and I just wanted the next one to be different, I just want the next one to be good and I want to do, and something I want to be proud of. Promise, paglabas n’yo ng sinehan ang sarap ng feeling n’yo!”

Lahad pa niya, “I was just looking for that something different and it took a while for it to get to me, and I really waited for it. So, ito na yun. Ito yung Mia. It’s everything I hoped it to be.”

Showing na ang “Mia” sa Jan. 15 mula sa Insight 360 Films ng award-winning filmmaker ding si Chris Cahilig at ng Viva Vilms. Makakasama rin dito ang ex-couple na sina William Martinez, Yayo Aguila with the special participation of Billy Crawford.

In fairness, viral na rin pala ang trailer ng “Mia” na pinusuan at ni-like ng mga netizens. Gustung-gusto rin nila ang official soundtrack ng pelikula na “Sa Iba Na Lang” ng sikat na duo na B.O.U. at ang “Ikaw Na Nga Talaga” ng grupong 1:43.