PH winalis ang SEAG 3x3 basketball gold | Bandera

PH winalis ang SEAG 3×3 basketball gold

|December 02,2019
facebook
share this

PH winalis ang SEAG 3×3 basketball gold

- December 02, 2019 - 05:45 PM

PINATUNAYAN ng Pilipinas na hari rin ito ng 3×3 basketball matapos dominahin ang nasabing kumpetisyon sa 30th Southeast Asian Games.

Itinala ng Pilipinas ang pagwalis sa walong laro nito sa kumpetisyon tungo sa pagsukbit ng ginto medalya sa 30th Southeast Asian Games 3×3 men’s basketball finals na ginanap Lunes ng hapon sa Filoil Flying V Centre, San Juan City.

Nakumpleto ng Gilas men’s team ang eight-game sweep matapos nitong durugin sa kanilang finals match ang Indonesia, 21-9.

Ang kanilang dominanteng paglalaro ay sinundan naman ang panalo ng Gilas women’s squad na nauwi rin ang ginto matapos maungusan ang Thailand, 17-13.

Nauna nang tinalo ng Gilas men’s team ang Thailand, 21-11, sa kanilang semifinals match para makapasok sa gold medal round.

Ang Gilas men’s squad ay binubuo nina Jason Perkins, Mo Tautuaa, CJ Perez at Chris Newsome.

Ang panalo ng Gilas women’s team sa finals kontra Thailand ay naging pambawi nito sa nasalap na 22-20 overtime loss sa kanilang huling elimination round match.

Ikinasa ng Pilipinas ang laban kontra Thailand matapos nitong ilampaso ang Vietnam, 21-12, sa kanilang semifinals match.

Ang Gilas women’s team ay kinabibilangan nina Afril Bernardino, Jack Danielle Animam, Clare Castro at Janine Pontejos.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending