Pagbubuntis ni Liza Dino sa December hindi na matutuloy

ICE SEGUERRA AT LIZA DIÑO

ATRAS muna si Film Development Council of the Philippines Chairperson Liza Dino sa plano niyang pagbubuntis sa baby nila ni Ice Seguerra next month.

Matindi ang rason ni Chair Liza kung bakit ‘di niya muna ito itutuloy, “Isa, well, paano ko ba sasabihin? Kasi, hindi ko talaga na-imagine na ganito kalaki ‘yung responsibilidad ng Chairman ng FDCP. Siguro right now, nandoon talaga ako sa isinasapuso ko siya, isinasabuhay ko. Gusto kong makatulong habang nandito ako,” pahayag niya sa

Nominee’s Night ng 2019 Luna Awards.

Kapag sinuma-total daw niya ang ilang buwan na pagbubuntis mula December, possibly bandang September 2020 siya magsisilang, “E, closing ‘yun ng 100 Years ng Philippine Cinema. So, parang sabi ko kay Ice, ‘bigyan mo pa ako ng time. Kasi gusto kong maging handa. Ayokong parang dahil kasi nagplano na kami.’ But it’s there. Ready na. Ako na lang ang hinihintay.”

Feeling ang swerte-swerte ni Chair Liza dahil alam niyang gustung-gusto ni Ice na magka-baby sila, “He’s really looking forward to it. But he was patient enough to wait and say, ‘I will let you decide when you’re ready,’” say pa ni Chair Liza.

Speaking of Ice, kinumusta namin ang kondisyon ng kanyang asawa pagkatapos umamin sa pinagdaanang depresyon, “It’s a condition. Hindi siya basta-basta nawawala. You manage that. It’s a kind of condition na parang nandiyan lang. Nararamdaman mo siya.”

May treatment naman daw for Ice’s condition. May tini-take siya na medication and he’s undergoing therapy, “Ice is seeing a therapist, regularly. To talk about what he’s going through.”

Okey naman daw si Ice. Pero ‘yun nga raw parang minsan dumarating na lang bigla ang moment na nalulungkot o nadi-depress ang singer, “It’s a phase that will happen. Tapos biglang you gonna get out, eventually, you gonna get out of it.

“It’s how you get out of it. By surrounding yourself with people who can help you and allows you to, you know, move forward and say that even if I have this condition uh, even if I have depression, kaya kong mag-function,” lahad pa niya.

Samantala, inilabas na ng FDCP at Film Academy of the Philippines ang mga nominado sa 37th Luna Awards na magaganap sa Maybank Performing Arts Theater sa Bonifacio Global City, Taguig City sa Nov. 30.

Pinangungunahan ni Comedy Queen Ai Ai delas Alas ang mga nominado para sa Best Actress category for her movie “School Service.” Makakalaban niya sina Angelica Panganiban (Exes Baggage), Agot Isidro (Changing Partners), Anne Curtis (Sid & Aya) at Glaiza de Castro (Liway) na bukod-tanging nakarating sa Nominee’s Night kasama ang kanyang foreigner na boyfriend.