Bus, van nagsalpukan: 9 patay, 4 sugatan | Bandera

Bus, van nagsalpukan: 9 patay, 4 sugatan

John Roson |November 06,2019
facebook
share this

Bus, van nagsalpukan: 9 patay, 4 sugatan

John Roson - November 06, 2019 - 11:00 PM

SIYAM katao ang nasawi at apat pa ang nasugatan nang magsalpukan ang isang pampasaherong bus at van sa Pamplona, Camarines Sur, Miyerkules ng gabi.

Dead on the spot ang tatlong lalaki’t limang babaeng pasahero ng van, pati ang kanilang driver, ayon sa inisyal na ulat ng Camarines Sur provincial police.

Naganap ang insidente sa Zone 4, Brgy. San Vicente, dakong alas-8.

Bumibiyahe ang bus (EVP-129) patungong Maynila nang makasalpukan ang van (EVU-222) na patungong Naga City, ayon sa ulat.

Itinakbo na ang mga sugatan sa pagamutan sa Naga.

Hinahanap pa ang kinaroroonan ng bus driver, na di natagpuan ng mga rumespondeng pulis sa pinangyarihan.

Inaalam pa ng mga imbestigador ang sanhi ng insidente.

Naganap ang insidente isang linggo lang matapos ang pagsalpok ng isa pang pampasaherong bus sa dump truck sa bayan ng Lupi, doon din sa Camarines Sur, noong Oktubre 30.

Tatlo katao ang nasawi at walo pa ang nasugatan sa naunang insidente.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending