Elisse Joson na-ghosting ni Jameson Blake?

ELISSE JOSON AT JAMESON BLAKE

PAGKATAPOS ng presscon ng iWant digital film na “You Have Arrived” ay inamin ni Elisse Joson na single pa rin siya ngayon at walang lalaking nagpaparamdam.

Kaya tinanong namin kung na-ghosting ba siya ni Jameson Blake na balitang nanliligaw sa kanya after silang mag-break ni McCoy de Leon.

“Hindi siya biglang nawala, teka sino po ba sinasabi n’yo?” tumawang sagot ng aktres at saka namin binanggit ang pangalan ni Jameson.

“Hindi naman po na-ghosting kasi we talked about it and we’re friends, we see each other and we’re part of the The More, The Merrier (2019 MMFF entry ni Vice Ganda), so magkatrabaho po kami,” ani Elisse.

Sa madaling salita ay walang relasyong nabuo sa pagitan nila ni Jameson, “Wala po. We got to be closed to each other pero nag-stay na lang muna as friends.”

Bagama’t naging close ay hindi raw umokey ang timing na maging sila dahil prayoridad din nila ang kanilang career, “Busy kasi kami pareho kaya hindi na kami nagkikita, so we decided na hindi na muna,” say ng dalaga.

Samantala, excited si Elisse sa bagong pelikula nilang “You Have Arrived” na napapanood na ngayon sa iWant. Kasama niya rito sina Barbie Imperial, Arielle Roces at Teejay Marquez mula sa Rein Entertainment at Cinebro Films, sa direksyon ni Shugo Praico.

Tungkol sa mga social media influencers ang “You Have Arrived” kaya natanong si Elisse na masasabi bang “you have arrived” kung marami ng subscribers ang isang influencer.

“Kanya-kanya ‘yan whether celebrity or non-showbiz person ay may isyu ang bawa’t isa, may kanya-kanyang spotlight. Like may ginawa kang positive, napag-uusapan ka, pag negative naman, ganu’n din pag-uusapan ka. Puwedeng sabihing sikat ka nga,” sambit ng aktres.

At dahil masasabing influencer na rin sila kaya bagay na bagay sa kanila ang suspense-drama na “You Have Arrived”.

Ayon pa kay Elisse, “It’s very exciting kasi first time naming gagawa ng ganitong klaseng proyekto, about friendship and drama and the current situation na nararanasan ng lahat sa social media, gustong maging influencer kaya maraming makaka-relate.”