Alice: Kung anu-anong kalokohan ang ginawa namin sa Greenland…

ALICE DIXSON AT AGA MUHLACH

ANG bansang Greenland ang sinasabing may pinakamataas na suicide rate sa buong mundo dahil na rin sa napakalamig na klima roon na nagiging sanhi ng depresyon at matinsing kalungkutan.

Ang Nuuk ay capital ng Greenland at doon kinunan ang halos kabuuan ng bagong pelikula nina Aga Muhlach at Alice Dixson, ang “NUUK” kung saan inabot sila ng 22 days. Dito napatunayan nila na malungkot nga sa nasabing lugar.

Sabi ni Aga, “Kung naka-five or six days ka na roon, okay ka na. Kasi kung pumunta ka sa Nuuk bilang bisita, maganda siya, but there’s nothing to do in Greenland.”

Sa kuwento ng pelikula, halos mabaliw na ang karakter ni Alice bilang si Elaisa Svendsen na isang Pinay at nakapag-asawa ng taga-Greenland pero namatay ito kaya inatake siya ng kalungkutan at pangungulila at natutong maglasing at mag-drugs para makatulog.

Sa presscon ng “NUUK” na ginanap nitong Lunes sa Discovery Hotel sa Ortigas ay natanong si Alice kung naka-relate ba siya sa karakter niya bilang babaeng depressed at paano niya nilalabanan ito.

“Of course I had my ups and downs and anybody in their life will have this. So, how do I relate, I just try to go back what the feeling is, I guess and then present it as real as I can in the screen,” natawang sagot ng aktres sabay sabing, “How do I answer that?”

Dagdag naman ni Aga, “We have to be very careful of this kasi may mga pamilyang pinagdadaanan sa buhay, again the movie is not about that. We’re not trying to promote (depression), nagkataon lang na ‘yung lugar na pinagsyutingan is known for that, but we don’t put the country down, it’s just that iyon ang nangyayari doon.

“Kaya ‘yung tanong kung paano nakaka-relate sa depression, hindi mo alam kasi some people don’t know when they’re into depression, some people are in denial, minsan idinadaan sa inom, sa drugs at kung anu-ano pa hanggang sa maging cycle na,” paliwanag ni Aga.

Samantala, sa tagal na ni Alice sa showbiz ay nagawa na ba niya lahat ang gusto niyang gawin?

“As I get older, there are more surprising roles that come my way, so when I ask ano pang mga role ang gusto ko, iyon, surprising roles and this one (NUUK) is one of those. And if I would do it all again, I would say yes and it’ll be fun to do again.

“It was one of the roles that I’ve never done, it was a great chance to work with my director, actually we became close to the people that I’ve worked with, kasi when you’re in the Philippines, you shoot and go home.

“Pero dito umuuwi ka with your crew and your director and you still bond, you get to share stories, and karaoke challenges on the boat (fishing boat), kung anu-anong pinaggagawa naming kalokohan doon, it was a real bonding experience.

“Gusto kong magpasalamat kasi in 2011, when I came back from Canada I didn’t think that I’m in my 40s and now I’m in my 50s as well that may career pa akong babalikan and I’m very grateful for all the opportunities, movies that I’ve done, TV shows are coming. I really love what I’m doing and I’m so blessed,” kuwento ni Alice.

At dahil sub-zero nga sa Greenland ay nagkaroon ba ng chance na maging mainit ang mga eksena nina Aga at Alice?

Tumawa muna ang aktres, “Panoorin n’yo na lang, pero hindi naman sa Greenland nangyari ang love scene, dito na sa Pilipinas at abangan n’yo ang kuwento.”

Mapapanood na ang kagandahan ng Nuuk sa Greenland at ang psycho-thriller movie nina Aga at Alice sa Nob. 6 mula sa Viva Films at idinirek ni Veronica Velasco.