‘The Gift ni Alden tama ang timpla, sakto ang lasa’

INUULAN ng positibong comments sa social media ang pilot week ng GMA primetime series na The Gift, na pinagbibidahan ng Asia’s Multimedia Star na si Alden Richards.

Walang palya ang pagiging trending topic nito sa Twitter at lagi itong laman ng usap-usapan tuwing gabi ng mga netizens hindi lang dahil sa kagwapuhan ni Alden kundi pati na rin sa nakakaantig at nakakaintrigang kuwento ng buhay ni Sep.

Kaya naman puro papuri ang natatanggap ni Alden sa kanyang pagganap sa pinakabagong primetime series ng GMA.

Sey nga ng isang netizen, “Ang galing sa pag-internalize ng kanilang characters. Making it real for us, viewers. Thank you to all the cast of The Gift.”

Comment ni @MisTyDownUnder, “Kaabang-abang na naman po ito. Thank you @GMADrama for giving us #TheGift. It’s meant to be watched by the young and old alike as it’s filled with a lot of life lessons. The Gift is a far cry from the other teleseryes on TV.”

“Saktung-sakto ang lasa at timpla ng The Gift, tatawa ka, mai inspire at iiyak at the same time. Simula pa lang mahu hook ka na kay looking forward pa kami sa next episodes. Kudos sa buong production.”

Pinayuhan naman si Alden ng kanyang fans na dedmahin na lang ang mga naninira sa The Gift dahil siguradong inggit at kasamaan ang namamayani sa kanilang buhay. Sey nga ng isang netizen, “Bahala na si Lord sa kanila.”

Kaya patuloy na tutukan ang The Gift gabi-gabi pagtapos ng Beautiful Justice sa GMA Telebabad, sa direksyon ni LA Madridejos.