Pelikula ng CarMaine ayaw ding magpatalbog sa theme song; hataw sa ‘Buwan’ ni JK

CARLO AQUINO AT MAINE MENDOZA

Hindi nagpadaig ang producers ng pelikulang “Isa Pa With Feelings” sa pagkakaroon ng bonggang theme song para mas akitin ang publiko sa panoorin ang pelikula.

Nakuha nila ang kantang “Buwan” ni JK Labajo para maging theme song ng first movie together nina Carlo Aquino at Maine Mendoza.

Of course, walang dudang hit na hit ngayon ang kanta ni JK at ginamit agad ‘yon sa isang dance scene nina Maine at Carlo, huh!

Sa Kathryn Bernardo-Alden Richards movie na “Hello, Love, Goodbye,” ang sikat na kantang “Kung Di Rin Lang Ikaw” mula sa December Avenue ang ginamit na theme song.

Sa local movies, mahalaga rin ang papel kadalasan ng gamit na theme. Mas patok kapag hit song ang music dahil mas natatandaan agad ‘yon ng publiko, huh!

So it’s “Buwan” versus “Kungdi Rin Lang Ikaw”. At magkakaalaman na sa Oct. 16 kung swak ba ito sa tema at kuwento ng movie nina Meng at Carlo.