Seo Ji Hoon, Kong Seung Yeon magtatambal sa ‘Flower Crew’
SEO JI HOON AT KONG SEUNG-YEON
KOREAN word of the week: “Saranghaeyo” – sa Ingles, ito ay “I love you” at sa atin naman ay “mahal kita”.
Kaabang-abang ang bagong teleseryeng pagbibidahan nina Seo Ji Hoon at Kong Seung-Yeon, ang Flower Crew: Joseon Married Agency.
Kwento ito ni Lee Soo (Ji Hoon) na normal lamang ang buhay bilang isang blacksmith. Ngunit magugulo ang lahat matapos siyang maging hari.
Love interest naman niya rito si Seung Yeon bilang Gae-Ddong na mahal na niya bago pa man siya maging hari.
Dahil sa magkaibang estado ng pamumuhay, hindi magawang mapakasalanan ni Lee Soo si Gae Ddong kaya magpapatulong siya sa Flower Crew Matchmaking Agency.
Ang agency ay binubuo ng tatlong magagandang lalaki na gagampanan nina Kim Min Jae, Byeon Woo Seok at Park Ji Hoon na tutulong kay Gae Ddon para maging noble woman at makasal sa hari.
Bumida si Ji Hoon sa mga drama series na Mepsi Meow (2017) at Longing Heart (2018).
Samantala, napanood si Seung Yeon sa My Only Love Song (2017) at Are You Human Too? (2018). – Joshua Jazz Lapitan
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.