Bea ni-like ang IG post tungkol sa sinungaling
BEA ALONZO
Nilagyan agad ng malisya ng madlang pipol ang pagla-like ni Bea Alonzo sa isang meme gamit ang litrato ni John Lloyd Cruz na may konek sa pagsisinungaling.
Ilang oras lang kasi ang nakalipas matapos ipalabas ang interview ng ex-boyfriend niyang si Gerald Anderson tungkol sa kanilang paghihiwalay. Sinabi ng aktor na wala raw third party involved sa kanilang break-up.
Ibig sabihin, pinabulaanan niya na hindi totoong si Julia Barretto ang dahilan ng pagkawasak ng relasyon nila ni Bea tulad ng napapabalita.
Sa isang post sa Instagram ng netizen na may handle name na @beaalonzo_solid, ginamit nito ang photo ni John Lloyd na may caption na, “Kung magsisinungaling ka galing galingan mo’—Popoy.”
Galing ito sa pelikula nina Lloydie at Bea na “One More Chance” kung saan gumanap sila bilang sina Basha at Popoy.
Ni-like ito ni Bea at karamihan sa mga comments ng netizens, naniniwala sila na para talaga ito kay Gerald na umano’y nagsisinungaling sa kanyang interview.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.