You Do Note’ girl nag-trending sa GGV; Vice tawang-tawa

ANDREA BRILLANTES, FRANCINE DIAZ AT MARJORRY “MAJO ” LINGAT

CLICK na click ang guesting ni “You Do Note” girl Marjorry “Majo” Lingat sa Gandang Gabi, Vice last Sunday.

Sumikat sa social media ang bagets dahil sa panggagaya sa Kadenang Ginto stars na sina Andrea Brillantes at Francine Diaz.

Grabe ang acting challenge ni You Do Note girl kina Andrea at Francine kaya naman tawang-tawa si Vice

Ganda, pati na rin sina Kyle Echarri at Seth Fedelin na guests din noong gabing iyon.

As reported by a website, umabot na sa mahigit 970,000 views ang guesting ni Majo.

Unang nakipagtarayan si Majo kay Andrea, “Hindi ka mukhang dragon,” say ni Majo.

“Hindi ako mukhang dragon kasi ako si Margaret Mondragon,” sagot ni Andrea.

“Hindi ka nga dragon. Ampon ka lang,” ganti ni Majo.

“Okay lang basta nasa akin ang kayamanan ng mga Mondragon,” Andrea said.

“Eh, di wow,” sagot ni Majo.

Nakakatawa rin ang comic banter nila ni Francine.

“Hindi ka papasok sa school,” say ni Majo.

“Pero tita…,” say ni Francine.

“You do note. ‘Wag mo na ako pigilan. Hindi mo alam masakit sa akin. Oo, lolo ko pa rin siya, daddy ko pa rin siya,” say ni Francine.

“Hindi ka papasok sa school,” say uli ni Majo.

“Pero, tita, you do note,” sagot ni Francine.

“Ipapasok kita sa lalagyan ng sardinas,” banta ni Majo.

“Pero tita hindi ako kasya,” sagot ni Francine.

“Eh, di meow,” say ni Majo.

Tuwang-tuwa ang audience at maging ang netizens.

“Sa kapitbahay daw sya nakikinood dahil wala silang TV. OMG dun pa lang nakaka appreciate na sya.”

“This girl has a talent. She’s funny and she knows how to handle the scenes.”

“Pang batang 90s talaga hair niya. Parang ako noon.”

“Pwede syang maging part ng kadenang ginto! Geezz ka excite!”