Lloydie nagpatikim sa reunion project nila ni Bea
BEA ALONZO AT JOHN LLOYD CRUZ
Mas na-excite pa ang fans nina Bea Alonzo at John Lloyd Cruz matapos kumalat sa social media ang latest photo ng dalawa para sa kanilang reunion project.
Ayon sa kanilang supporters, gusto na nilang malaman kung ano ba talaga ang proyektong pagsasamahan ng magka-loveteam.
Ang nasabing photo nina Bea at Lloydie ay kuha sa sinasabing “secret project” ng dalawa na balitang kinunan sa El Nido, Palawan kamakailan.
Kung matatandaan, sinabi ni Bea sa isang panayam na sikreto pa ang project nila ni Lloydie pero in due time ay malalaman din ito ng madlang pipol.
Isa sa mga pinaka-successful na collaboration ng dalawang Kapamilya stars ay ang Star Cinema movie nilang “One More Chance” (2007), kung saan nagmarka ang mga karakter nilang sina Popoy at Basha.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.