Drew tinawag na ‘Dark Phoenix’ si Iya; Home Foodie season 5 na
IYA VILLANIA, DREW ARELLANO, JOHN VALLEY, MARTIN NARISMA AT LLENA TAN ARCENAS
TINAWAG na “Dark Phoenix” ni Drew Arellano ang asawang si Iya Villania pagdating sa kusina.
In fairness, kung noong nagsisimula pa lang silang bumuo ng sariling pamilya ay ayaw na ayaw magluto ng Kapuso TV host-actress, ngayon ay pwede na itong bigyan ng title bilang Kusina Queen.
Sa nakaraang presscon ng GMA at ng San Miguel Pure Foods para sa 5th season ng cooking show na Home Foodie: Madalicious ay ipinagmalaki ni Drew na super confident na ngayon si Iya sa pagluluto.
“Before Iya didn’t want to cook, but now she has evolved into a Dark Phoenix of the kitchen,” chika ng biyaherong TV host-actor na ang tinutukoy nga ay ang sikat na character sa “X-Men” movie.
Sey naman ni Iya, akala niya noon ay hindi talaga niya kayang magluto pero biglang nagbago ang kanyang pananaw nang dahil sa panganay nilang si Primo.
“Parang I thought na parang it was just hard to do. Akala ko nga all the more ‘pag naging nanay ako mas mahihirapan ako dahil mas wala akong time.
“But I found that when I had children, the more I found myself in the kitchen lalo na ‘yung anak naming si Primo mahilig din kasi sa kusina,” aniya pa.
Dugtong pa niya, “I am more confident in the kitchen lalo na when I am with Primo. I see it’s his interest, I want to be able to make that grow. I want to be able to make that interest grow with him.”
Ayon pa kay Drew, talagang napakalaking bahagi ngayon ng kanilang married life ni Iya ang pagkain, “Food has always been the centerpiece of our lives. Bonding moments na rin kasi namin kapag nagluluto kami.”
Singit naman ni Iya, “Food just naturally brings people together, especially as a family. It brings us together whether we’re preparing the food, it brings us together when we’re eating the food. Especially when we travel, it’s always looking for good food to eat, it’s always part of the trip.”
Samantala, ipinatikim naman sa press ng mga San Miguel Culinary Center celebrity chefs na sina Llena Tan-Arcenas, Martin Narisma at John Valley sa presscon ng Home Foodie ang ilan sa mga bagong “madalicious” (madali na delicious pa) recipes na mapapanood sa 5th season ng programa, kabilang na ang homemade burger na may saging na saba. In fairness, ang yummy nga niya at nakakabusog pa.
Bukod diyan, magkakaroon din ng fresh ambience ang show dahil ilan sa mga gagawin nilang cooking demos ay kukunan sa iba’t ibang bahagi ng bansa, kabilang na ang napakagandang Sierra Madre Mountain Ranges (bilang kitchen backdrop).
“Aside from that Home Foodie also engages more with its Ka-Home Foodie community on recipe ideas, questions and needs that can be addressed by the show.
Iikutin ni Drew ang ilang lugar para personal na makausap ang mga Pinoy home foodies,” chika pa ni Iya.
Magsisimula na ang 5th season ng Home Foodie sa GMA simula sa June 10, from Monday to Friday, after Unang Hirit.
Home Foodie episodes can also be enjoyed online through their website at www.homefoodie.com, YouTube (Home Foodie), Facebook, Instagram and Twitter accounts (Home Foodie ph).
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.